Бүх зовнилоо хаяЗагвар

Тэнгэрийн шувууд

Амийнхаа төлөө санаа бүү зов. - Матай 6:25

Нар мандсан зуны нэг өглөө гэрийнхээ урд зогсож буй намайг хөрш маань хараад инээмсэглэсээр, ирээд хардаа гэж шивнэв. "Юуг?” гэж би сонирхон хариу шивнэв. Тэр үүднийхээ салхин хонхны гол төмөр дээр байгаа жижигхэн, өвсөөр хийсэн аяганы хэмжээтэй дугуй руу заалаа. “Хулин шувууны үүр" гэж тэр шивнэв. “Дэгдээхэйнүүдийг нь харж байна уу?" Хатгуур шиг харагдахгүй шахам жижигхэн хоёр хошуу нь дээш чиглэн харагдав. "Тэд эхийгээ хүлээж байна". Бид гайхан шагшин тэнд зогсож байлаа. Би зураг авах гэж гар утсаа дээш өргөв. "Тийм ойрхноос биш" гэж хөрш маань хэлэв. "Эхийг нь үргээхийг хүсэхгүй байна”. Ингээд бид алсын зайнаас хулин шувууны гэр бүлийг үрчилж авсан юм.

Гэхдээ тийм ч удаагүй. Долоо хоногийн дараа эх шувуу, дэгдээхэйнүүдийнхээ хамт чимээгүйхэн ирсэн шигээ явсан байв. Гэхдээ хэн тэдэнд санаа тавих вэ?

Библид гайхалтай боловч танил хариулт бий. Энэ нь маш танил тул Библи дээрх энэ бүх амлалтыг бүгдийг нь бид мартаж магадгүй юм: "Амийнхаа төлөө санаа бүү зов" гэж Есүс хэлсэн (Матай 6:25). Энгийн боловч үзэсгэлэнтэй заавар. "Тэнгэрийн шувуудыг хараач" гэж Тэр нэмж хэлэв. “Тэд тариа тарьж, хурааж, саравчинд хадгалдаггүй ч тэнгэрлэг Эцэг чинь тэднийг тэжээдэг” (эшлэл 26).

Бурхан бяцхан шувуудад санаа тавьдаг шигээ Тэр биднийг оюун ухаан, бие махбод, сэтгэл зүрх, сүнсээр тэжээдэг. Энэ бол гайхалтай амлалт юм. Бид өдөр бүр санаа зоволтгүйгээр Түүн рүү харж, халин нисэх болтугай.

Патрисия Рэйбон

Хайртай Бурхан минь, Та миний амьдралын хэрэгцээнд санаа тавьдаг гэдгийг би мэдэх тусам даруусдаг. Өдөр бүр Танд улам илүү найдаж, Таны хангах болно гэсэн амлалтыг хүндлэхэд минь туслаач.