Бүх зовнилоо хаяЗагвар

Салаа замын уулзвар дээрх Бурхан

Замууд дээр зогсож, хар. Сайн замтай эртний жимийг асууж, түүгээр алх. - Иеремиа 6:16

Хэд хоног өвдөж, халуурсны улмаас нөхөр минь яаралтай тусламж авах шаардлагатай болов. Эмнэлэг түүнийг тэр дор нь хэвтүүллээ. Өдөр хоног өнгөрсөөр, нөхөр минь сайжирсан ч гарах болоогүй байв. Би нөхрийнхөө дэргэд үлдэх үү, эсвэл олон хүнийг хамарсан төслийн ажлаар чухал томилолтод явах уу гэдэг хэцүү сонголттой тулгарах нь тэр. Нөхөр маань ч би зүгээр гэж намайг ятгав. Гэвч миний зүрх нөхрөө юү, ажлаа юу гэсэн сонголттой тулаад хүндхэн байлаа.

Бурханы ард түмний хувьд амьдралын шийдвэр гаргах салаа замын уулзвар дээр Түүний тусламж хэрэгтэй болсон. Тэд Түүний илчилсэн зааврыг дагаж мөрддөггүй байсан. Тиймээс Мосе хүмүүсээс Түүний тушаалуудыг дагаж, “амийг сонгохыг” гуйжээ (Дэд хууль 30:19). Хожим нь эш үзүүлэгч Иеремиа Бурханы эрх дураараа хүмүүст чиглүүлэх үгсийг хэлж, Түүний замыг дагахыг ятгав: “Замууд дээр зогсож, хар. Сайн замтай эртний жимийг асууж, түүгээр алх” (Иеремиа 6:16). Бичээсийн эртний замууд, өнгөрсөн дэх Бурханы хангамжууд нь биднийг чиглүүлж чадна.

Би өөрийн биеэ салаа замын уулзвар дээр байна гэж төсөөлөөд, Иеремиагийн мэргэн ухааны загварыг ашиглав. Би нөхөртөө ч хэрэгтэй, ажилдаа ч мөн адил. Яг тэр үед ахлагч маань утасдаж намайг гэртээ үлдэхийг хүсэв. Би амьсгал аваад надад салаа замын уулзвар дээр өгөгдсөн Бурханы хангамжид талархсан юм. Бурханы удирдамж үргэлж тийм тодорхой ирээд байдаггүй, гэхдээ л ирдэг. Салаа замын уулзвар дээр зогсохдоо Түүнийг л эрэн хайцгаая.

Элиза Морган

Хүндэт Бурхан минь, намайг тодорхойгүй нөхцөлд, салаа замын уулзвар дээр зогсох үедээ Таны хангамжийг эрэн хайхад туслаач.