Бүх зовнилоо хаяЗагвар

Үргэлж залбир

Тасралтгүй залбир. - 1 Тесалоник 5:17

Би шалгалтдаа 84 оноо авлаа!

Би өсвөр насны охиныхоо мессежийг утсан дээрээ уншиж байхдаа сэтгэл хөдлөлийг нь мэдэрч билээ. Тэр дөнгөж ахлах сургуулийн хичээлд сууж эхэлсэн бөгөөд үдийн хоолны үеэр утаснаасаа бичжээ. Охин маань хүндхэн шалгалтыг сайн өгсөнд биш, харин надтай хуваалцахаар шийдсэн нь ээж хүний хувьд зүрхийг минь догдлуулсан. Охин минь надтай сайн мэдээгээ хуваалцахыг хүссэн!

Охины минь мессеж тэр өдөрт баяр хөөрийг нэмсэн гэдгийг анзаарахдаа, намайг Бурханд хандахад яг л ийм мэдрэмжийг Бурханд төрүүлдэг гэдгийг хожим нь ойлгосон. Түүнтэй ярих минь яг л үүний адилаар Түүний таалалд нийцдэг болов уу? Залбирлаар дамжуулан бид Бурхантай харилцдаг бөгөөд “тасралтгүйгээр” залбир хэмээн бидэнд хэлсэн (1 Тесалоник 5:17). Түүнтэй ярилцах нь Тэр бидэнтэй сайн, муу ямар ч үед хамт байдгийг сануулдаг. Хэдийгээр Тэр бидний тухай бүгдийг мэддэг ч гэсэн Бурхантай мэдээгээ хуваалцах нь бидний анхаарлаа төвлөрүүлэх зүйлийг Түүний тухай бодох болгон өөрчлөхөд тусална. Исаиа 26:3-т, "Танд итгэдгийн улмаас санаа бат хүмүүнийг Та амрын амар байлгана" гэж хэлдэг.

Бидэнд юу ч тулгарч байсан бид Бурхантай тасралтгүй ярьж, Бүтээгч, Аврагчтайгаа байнга холбоотой байх болтугай. Залбирлаа шивнээд, баяртайгаар, “талархлаа өргөхөө” бүү мартаарай. Эцэст нь, энэ бол бидний хувьд "Бурханы хүсэл" юм (1 Тесалоник 5:18) гэж Паул хэлдэг.

Катара Паттон

Нигүүлсэнгүй Бурхан минь, бүхэл өдрийнхөө туршид Тантай холбоотой байхыг надад сануулаач. Би Таны дотор баярлан, өөрт тулгарах бүх зүйлийнхээ төлөө Танд талархлаа өргөхийг хүсэж байна.