៦ ថ្ងៃជាមួយនឹងព្រះនាមរបស់ព្រះជាម្ចាស់គំរូ

ថ្ងៃទី ៤៖ អេស្ច អុកឡា (ESH OKLAH) – ជា​ភ្លើង​ឆេះ​បន្សុស

តើអ្នកធ្លាប់ឃើញដោយផ្ទាល់ភ្នែកពីភាពអន្តរាយនៃភ្លើងឆេះព្រៃដែរឬទេ? ភ្លើងនោះវាឆេះរាល់អ្វីៗទាំងឡាយដែលស្ថិតនៅពីមុខវា។ គឺវាឆេះយ៉ាងសន្ធោសន្ធៅ ទៅតាមច្រកផ្លូវ និងសូម្បីតែតាមទន្លេ។ ឥឡូវចូរគិតអំពីភ្លើងដែលឆេះបន្សុស ដែលជាភ្លើងធំជាងសកលលោកទាំងមូល នោះអ្នកនឹងចាប់ផ្ដើមមើលឃើញតែមួយភ្លែតអំពីអំណាចចេស្ដានៃព្រះ។

យើងត្រូវតែមានសេចក្ដីគោរពចំពោះអំណាចចេស្ដាដ៏លើសលន់នៃព្រះ ប៉ុន្តែយើងក៏ត្រូវការចងចាំថាព្រះអង្គក៏ជាព្រះផ្ទាល់សម្រាប់មនុស្សម្នាក់ៗ ដែលទ្រង់មានព្រះទ័យទុកដាក់យ៉ាងជ្រាលជ្រៅចំពោះយើងដែរ។ ដោយហេតុនេះហើយ ព្រះអង្គគឺជាព្រះដែលសក្តិសមនឹងទទួលបានការសរសើរ និងការថ្វាយបង្គំ នៅគ្រប់ពេលវេលាទាំងអស់របស់យើង។ យើងមិនគួរចាត់ទុកព្រះអង្គក្នុងភាពលេងសើចទេ ប៉ុន្តែយើងត្រូវតែមានការកោតខ្លាច ទាំងស្រែកទូលអង្វរទៅដល់ព្រះអង្គ និងគួរដើរចូលទៅក្នុងទំនាក់ទំនងជាមួយនឹងព្រះអង្គវិញ។

ទំហំនៃព្រះជាម្ចាស់ នោះអាចជារឿងដ៏លំបាកឱ្យយើងនឹកស្មានដល់ ដោយឡែកថាព្រះអង្គជ្រាបពីរាល់ភាពលម្អិតនៃជីវិតរបស់យើង។ តើឱ្យព្រះដ៏អស្ចារ្យក្រៃលែង មកយកព្រះទ័យទុកដាក់ចំពោះរឿងជីវិតយើង ដែលគិតទៅដូចជារាក់កំផែល នោះបានដោយរបៀបណា? នេះគឺដោយសារតែព្រះអង្គយកព្រះទ័យទុកដាក់ចំពោះយើងយ៉ាងជ្រាលជ្រៅ។ ហេតុនេះហើយបានជាយើងត្រូវការអនុញ្ញាតឱ្យព្រះជាម្ចាស់បញ្ឆេះនូវភ្លើងបន្សុសរបស់ព្រះអង្គមកកាន់ដួងចិត្តដ៏រឹងរបស់យើង។

ព្រះអង្គជា អេស្ច អុកឡា ដែលជាភ្លើងឆេះបន្សុស ប៉ុន្តែក៏ជាភ្លើងបំពេញដោយព្រះគុណ ភាពអត់ធ្មត់ និងក្ដីសន្ដោសមេត្តា។ ភ្លើងនោះនាំឱ្យយើងបានចូលទៅកៀកនឹងព្រះអង្គ ក្នុងគោលដៅ ឱ្យយើងចេះចាត់ទុកព្រះអង្គជាលេខមួយ នៅក្នុងដួងចិត្ត គំនិត និងព្រលឹងរបស់យើង។ ហើយនៅក្នុងចំណោមនៃភ្លើងនោះ ព្រះអង្គបណ្ដុះក្ដីស្រឡាញ់នៅក្នុងដួងចិត្តរបស់យើង។