៦ ថ្ងៃជាមួយនឹងព្រះនាមរបស់ព្រះជាម្ចាស់គំរូ

ថ្ងៃទី ៣៖ យេហូវ៉ា យ៉ារ៉េ (JEHOVAH JIREH) – ព្រះអម្ចាស់នឹងផ្គត់ផ្គង់ 

អ្នកមិនប្រាកដថាបានលុយមកពីណា ដើម្បីយកទៅបង់ថ្លៃវិក្កយបត្រចំណាយសម្រាប់ខែនេះទេ។ ស្ថានភាពទំនាក់ទំនងស្នេហារបស់អ្នកមិនដឹងថាទៅជាយ៉ាងម៉េចយ៉ាងម៉ានោះដែរ។ អ្នកបានឮថាការជម្រុះតួនាទីការងារបានមកដល់ទីកន្លែងធ្វើការរបស់អ្នក ហើយមុខតំណែងរបស់អ្នកក្នុងក្រុមហ៊ុនក៏កំពុងតែស្រពេចស្រពិលដែរ។ នៅពេលណាដែលរឿងចាំបាច់នៃជីវិតកំពុងរងកត្តាហានីភ័យ—បញ្ហាសុខភាព រឿងថវិកា ទីជម្រក តម្រូវការអាហារ បញ្ហាគ្រួសារ មុខតំណែងការងារ—នោះវាពិតជារឿងធម្មជាតិមួយ ដែលយើងត្រូវមានអារម្មណ៍ភ័យខ្លាច ដោយព្រោះយើងមិនដឹងថាត្រូវសម្លឹងមើលទៅទីណា។ ហេតុនេះហើយបានជាអ្នកត្រូវតែស្រែកអង្វរទៅរក ព្រះយេហូវ៉ា យ៉ារ៉េ (Jehovah Jireh)។ ព្រះនាមដ៏មានពរនៃព្រះជាម្ចាស់នេះ គឺមានន័យថា "ព្រះអម្ចាស់នឹងផ្គត់ផ្គង់" ហើយនេះជាព្រះនាមមានពេញដោយអំណាចនិងចេស្ដា។

នៅពេលដែលយើងមានអារម្មណ៍ភ័យខ្លាចអំពីរឿងអនាគតរបស់យើង នោះវាជាហេតុចាំបាច់ដែលយើងត្រូវបែរទៅរកព្រះជាម្ចាស់ ហើយស្រែកទូលអង្វររកព្រះនាមរបស់ព្រះអង្គ។ រាល់អំណោយដែលល្អ ហើយឥតខ្ចោះ នោះបានមកពីព្រះអង្គ ហើយអំណោយ និងព្រះពរដែលព្រះអង្គប្រទាន នោះគឺគ្មានដែនកំណត់ទេ។ ការដាក់ជំនឿរបស់យើងនៅក្នុងព្រះអង្គ នោះពេលខ្លះអាចជារឿងតែមួយគត់ ដែលអាចសម្រាលដល់ភាពភ័យខ្លាចរបស់យើង ដើម្បីឱ្យយើងអាចរក្សាចិត្តគំនិតរបស់យើងឱ្យគិតតែពីរឿងអ្វីៗដែលល្អ។

វាអាចជាមេរៀនមួយដ៏លំបាក ប៉ុន្តែការល្បងល និងវិបត្តិដែលមាននៅលើផែនដីនេះ នឹងជួយពង្រឹងដល់សាចដុំខាងវិញ្ញាណរបស់យើង ហើយនាំយើងឱ្យចូលកាន់តែប្រកៀកនឹងព្រះជាម្ចាស់។ តាមរយៈវិបត្តិបញ្ហារបស់យើង នោះព្រះបង្ហាញដល់យើងមុនគេ ពីរបៀបដែលព្រះអង្គផ្គត់ផ្គង់ខ្យល់ដល់សួតរបស់យើង ដើម្បីឱ្យយើងអាចដកដង្ហើម និងទទួលបានពន្លឺទៅដល់ភ្នែករបស់យើង ដើម្បីឱ្យយើងអាចនៅបន្តមើលឃើញ។ ព្រះអង្គប្រទានដល់យើងនូវអ្វីៗដែលយើងត្រូវការយ៉ាងជាក់ ដើម្បីឱ្យបានជាផលនៃការរីកចម្រើនធំបំផុតនៅក្នុងរូបយើង ហើយឱ្យយើងអាចជះឥទ្ធិពលទៅដល់ទីដែលឈោងចាប់មិនដល់ សម្រាប់ព្រះរាជ្យរបស់ព្រះអង្គផង។ ហើយព្រះអង្គតែងតែប្រទានឱ្យក្នុងព្រះវិញ្ញាណនៃសេចក្ដីស្រឡាញ់ជានិច្ច។