ការតមរយៈពេល ២១ ថ្ងៃគំរូ

នៅក្នុងអំឡុងពេលនៃការតមនេះ ចូរសាងនូវទីសក្ការៈ (ទីថ្វាយបង្គំ) ហើយដាក់ថ្វាយនូវយញ្ញបូជា (ការលះបង់) មួយ ដែលនឹងនាំឱ្យព្រះនាមរបស់ព្រះជាម្ចាស់បានថ្កើនឡើង។ ការថ្វាយនេះ នឹងប៉ះពាល់ដល់ភាពស្រណុកសុខស្រួល ភាពកក់ក្ដៅ ហើយនិងតម្រូវឱ្យអ្នកត្រូវតាំងចិត្ដខ្ពស់ រួមជាមួយនឹងការប្ដេជ្ញាចិត្ដផង។ តើការលះបង់ ដើម្បីថ្វាយរបស់អ្នក គឺជាអ្វីទៅ នៅក្នុងអំឡុងពេលតមនេះ? ចូរពិនិត្យឱ្យច្បាស់ថា អ្វីដែលអ្នកថ្វាយ គឺជាការលះបង់ ដែលនឹងនាំឱ្យអ្នកត្រូវបង់ថ្លៃ ទៅលើអ្វីមួយ។ ចូរប្ដេជ្ញាចិត្ដ តាមរយៈសំនេរ ហើយចែករំលែកវា ជាមួយនឹងមិត្ដម្នាក់ ដែលជាអ្នកនឹងជួយសង្កេត និងតាមដានថាអ្នកពិតប្រាកដជាគោរពតាមការលះបង់ តាមការប្ដេជ្ញារបស់អ្នក នោះដែរឬយ៉ាងណា។ ចូរអធិស្ឋានទៅកាន់ព្រះជាម្ចាស់ ដើម្បីឱ្យទ្រង់បានបង្ហាញអ្នកពីអ្វីដែលព្រះអង្គសព្វព្រះទ័យចង់ឱ្យអ្នកលះបង់នោះ។