ការតមរយៈពេល ២១ ថ្ងៃគំរូ

ក្រែងការតម គឺជាអ្វីដែលគួរប្រព្រឹត្ដទៅ ដោយលាក់កំបាំង មិនអញ្ចឹង? ប្រហែលជាអ្នកបានចាប់ផ្ដើមនូវដំណើរតមមួយនេះជាមួយនឹងក្រុមណាមួយ ដែលគេបានស្ម័គ្ររួមតមជាមួយនឹងអ្នក។ មានការតម ដែលបានកត់ត្រានៅក្នុងព្រះគម្ពីរជាច្រើន ដែលជាការតម បែបជាក្រុម ដែលការប្រព្រឹត្ដនោះ ភាគច្រើន ជំរុញដោយ អ្នកមានអំណាចគ្រប់គ្រង ដើម្បីជាប្រយោជន៍ឱ្យមានការចូលរួម រួមជាមួយនឹងគ្នា។ ចូរឱ្យអ្នកបានសញ្ជឹងគិតឡើងវិញ ទៅលើខ្លឹមសារដែលព្រះយេស៊ូវកំពុងតែមានបន្ទូលនៅក្នុងអត្ថបទគម្ពីរនេះ។ តើគោលបំណងនៃកិច្ចសន្ទនារបស់អ្នក បានលើកឡើងនៅក្នុងន័យអ្វីដែរ នៅពេលដែលអ្នកត្រូវនិយាយអំពីការតមនេះ? តើអ្នកនិយាយដើម្បីលើកទឹកចិត្ដដល់អ្នកដទៃ ឬដើម្បីបានការគាំទ្រពីពួកគេ? តើមាននូវគំនិតគិតប្រាថ្នាដោយលាក់កំបាំង ចង់ឱ្យគេឃើញថា រូបខ្លួនជាមនុស្សវិសុទ្ធ ឬជាអ្នកពិនខាងព្រលឹងវិញ្ញាណ ដែរឬយ៉ាងណា? មានតែពីរនាក់ទេ ដែលអាចដឹងអំពីចម្លើយចំពោះសំណួរទាំងនេះ--អ្នក ហើយនិងព្រះជាម្ចាស់។ ចូរអធិស្ឋានថ្ងៃនេះ ដើម្បីទូលសូមព្រះជាម្ចាស់ ក្នុងការបើកសម្ដែងឱ្យអ្នកឃើញអំពី គោលបំណង នៃការតមរបស់អ្នក និងទូលសូមព្រះនូវរបៀបដែលអ្នកអាចស្វែងរកឃើញនូវការលើកទឹកចិត្ដ ដែលអ្នកត្រូវការ ជំនួសឱ្យការបំពេញដួងចិត្ដរបស់អ្នក ជាមួយនឹងសេចក្ដីអំណួតនោះ។