ការតមរយៈពេល ២១ ថ្ងៃគំរូ

សារនេះបានមកពីព្រះជាម្ចាស់ ដែលទ្រង់មានបន្ទូលទៅកាន់ប្រជារាស្រ្ដរបស់ព្រះអង្គ ដែលពួកគេកំពុងម៉ួម៉ៅ អាក់អន់ចិត្ដ ជាមួយនឹងការដែលព្រះអង្គមានសភាពដូចជាមិនខ្វល់ ខ្វះការឆ្លើយតប​ ចំពោះការតមរបស់ពួកគេ។ ពិតជាងាយដែរ នៅក្នុងការដែលយើងអាចយល់ច្រឡំចំពោះការតម ជាមួយនឹងការធ្វើអហង្ការមិនបរិភោគ ដើម្បីជំរុញឱ្យព្រះជាម្ចាស់ធ្វើអ្វីមួយ ដែលយើងចង់បាន។ ប៉ុន្តែ អត្ថបទនៅក្នុងជំពូកមួយនេះ ថ្លែងពីអ្វីដែលព្រះជាម្ចាស់ ទ្រង់សព្វព្រះទ័យចង់បាន។ ចូរអធិស្ឋាន សូមព្រះអង្គប្រើប្រាស់នូវបទពិសោធន៍របស់អ្នកជាមួយនឹងការស្រេកឃ្លាន និងភាពមិនសុខស្រួលទាំងនេះ ដើម្បីផ្លាស់ប្រែនូវរបៀបដែលអ្នកសម្លឹងមើលទៅកាន់អស់អ្នក ដែលរស់នៅក្នុងពិភពលោកនេះ ដែលពួកគេកំពុងតែបាត់បង់ និងត្រូវការការសង្គ្រោះនោះ។ ចូរអធិស្ឋានសូមព្រះជាម្ចាស់ ឱ្យសម្ងួតរូបអ្នក និងឱ្យអ្នកនៅទទេ ចេញពីអ្វីដែលធ្លាប់មាននៅក្នុងរូបអ្នក ហើយបំពេញរាល់អ្វីៗ ដែលជារបស់ផងទ្រង់ នោះវិញ។