#JESUS2019 - ពេលវេលាប្រចាំថ្ងៃជាមួយព្រះគំរូ

“លឺព្រះសូរសៀងព្រះ ស្តាប់ទៅដូចជាងាយស្រួល ប៉ុន្តែតើវាដំណើរការយ៉ាងដូចម្តេច? នេះជាសំណួរដែលបងប្អូនប្រុសខ្ញុំតែងតែសួរខ្ញុំ បន្ទាប់ពីនរណាម្នាក់លើកទឹកចិត្តគាត់តាមរយៈព្រះបន្ទូលដែលថា ”សូមស្តាប់តាមព្រះជាម្ចាស់”

ហើយចម្លើយរបស់ខ្ញុំនោះគឺ ”ប្រសិនបើអ្នកសួរព្រះ ថាតើល្អដែរឬទេ បើអ្នកនៅជាមួយស្រីម្នាក់នេះ ? តើអ្នកត្រៀមខ្លួនក្នុងការទទួលយកចម្លើយថាទេ ហើយឬនៅ?” ការយល់ដឹងនេះមិនមែនមកពីខ្ញុំនោះទេ វាត្រូវបានផ្តល់មកកាន់ខ្ញុំម្តង ក្នុងស្ថានភាពស្រដៀងគ្នា។ ទីបំផុត អ្វីដែលនៅពីក្រោយសំនួរនេះគឺ ថាតើខ្ញុំទុកចិត្តព្រះថាទ្រង់ពិតជាមានន័យបែបនោះពិតមែនទេ។

សូមបាននៅជាប់ជាមួយនឹងរូបភាពនៃរឿងនេះ ប្រសិនបើចៀមមិនជឿថាអ្នកគង្វាលមានបំណងល្អលើខ្លួន នោះវាច្បាស់ជាមិនដើរកាត់ទ្វារនោះទេ។ វានឹងពឹងផ្អែកលើការគិតរបស់ខ្លួន ហើយដើរតាមផ្លូវតែឯង។

សូមបានស្វែងរកពាក្យ ”Shrek សត្វចៀមដែលរត់បាត់” នោះអ្នកនឹងរកឃើញរឿងដែលសត្វចៀមបានរត់គេចចេញ ពីអ្នកគង្វាល៦ឆ្នាំ ជាប់គ្នាដើម្បីកុំឲ្យគេកោររោម។ អ្វីដែលបានកើតឡើងចំពោះសត្វចៀមនេះ នៅពេលភ្លៀងវាត្រូវ ទូលរែកនូវទម្ងន់របស់ខ្លួនគុណទ្វេរ នៅពេលវារអិលជាប់នឹងគុម្ពបន្លា វានឹងជាប់គាំង នៅពេលដែលមានបរាសិតនៅជាប់ វានឹងបង្កើនចំនួន សុីរោមរហូតដល់ខ្លួនវា។

សំនួរដំបូងពីការលឺព្រះសូរសៀងរបស់ព្រះគឺ “តើអ្នកត្រៀមខ្លួននូវអ្វីដែលទ្រង់នឹងមានបន្ទូលហើយឬនៅ?” ហើយវានឹងបញ្ជាក់នូវសំនួរ “តើអ្នកជឿថាព្រះមានបំណងល្អជាមួយអ្នកដែរទេ?”

ការអនុវត្ត:

ព្រះសូរសៀងរបស់ព្រះមិនតែងតែលឺខ្លាំងមកពីស្ថានសួគ៌ ដែលធ្វើឲ្យសត្វស្លាបភ័យខ្លាចរត់បាត់នោះទេ។ វាភាគច្រើនស្ងប់ស្ងាត់ជាងអ្វីដែលអ្នកគិតទៅទៀត ហើយវាត្រូវការការអនុវត្ត ដើម្បីអាចយល់ពីសម្លេងនេះបាន។ ដូច្នេះសូមបានគិតថាតើនៅកន្លែងណាមួយ ដែលព្រះអាចនឹងមានបន្ទូលមកកាន់អ្នកនៅថ្ងៃនេះ។ សូមបានពិនិត្យមើលការស្តាប់ខាងព្រលឹងវិញ្ញាណរបស់អ្នក ដើម្បីមើលដឹងថាព្រះនឹងមានទំនាក់ទំនង មកកាន់អ្នកតាមរបៀបណា។

Andreas Hörner – ICF Grünheide