#JESUS2019 - ពេលវេលាប្រចាំថ្ងៃជាមួយព្រះគំរូ

ជីវិតយើងតែងតែប្រែប្រួលរវាងពេលវេលានៃការចូលកាន់តែកៀកឬការដឹកនាំដែលបរាជ័យ ការពឹងផ្អែក ឬភាពឯករាជ្យដ៏ខ្លាំង។ ក្នុងនាមជាក្មេង អ្នកត្រូវបានឪពុកម្តាយដឹកនាំអ្នកអស់រយៈពេលជាយូរ។ ពួកគេបង្ហាញផ្លូវដែលត្រឹមត្រូវ ប៉ុន្តែក្រោយមក ពេលអ្នកស្ថិតក្នុងវ័យជំទង់ អ្នកកាន់តែឯករាជ្យលើខ្លួនឯង ធ្វើការសម្រេចចិត្តដោយខ្លួនឯង ទៅតាមផ្លូវខ្លួនឯង និងរស់នៅជីវិតរបស់ខ្លួនឯង។ សេរីភាពដែលអាចលត់ដំជីវិតផ្ទាល់ខ្លួនជាអ្វីមួយដែលមនុស្សគ្រប់រូបចង់បាន។ គ្មាននរណាម្នាក់តែងតែចង់ឲ្យ គេប្រាប់នូវអ្វីដែលត្រូវធ្វើ និងអ្វីដែលមិនត្រូវធ្វើនោះទេ។ ស្របពេលនេះដែរ ការតម្រង់ទិសការដឹកនាំ និងការជួយពិតជាសំខាន់។ អ្នកប្រហែលជាធ្លាប់សប្បាយចិត្តក្នុងពេលណាមួយ ឬពេលនរណាម្នាក់បញ្ឈប់ អ្នកពីអ្វីដែលឆ្កួតឡប់ ដែលអ្នកបម្រុងនឹងធ្វើ។

នៅពេលដែលទ្រង់មានបន្ទូលថាទ្រង់ជាអ្នកគង្វាល ទ្រង់សន្យាថានឹងដឹកនាំយើង។ ទោះបីជាយ៉ាងណាក៏ដោយ នេះមិនមែនមានន័យថាទ្រង់ នឹងចាប់យើងហើយទាញយើងទៅទិសដៅដែលទ្រង់គិតថាត្រូវនោះទេ ប៉ុន្តែទ្រង់ផ្តល់នូវជម្រើសសម្រាប់អ្នក។ ទ្រង់ចែងចាំងពន្លឺរបស់ទ្រង់លើផ្លូវដែលនាំទៅកាន់ជីវិត។

ព្រះយេស៊ូបានផ្តល់ជីវិតទ្រង់សម្រាប់អ្នកនិងដឹកនាំអ្នកទៅកាន់ជីវិតដែលអ្នកមិនអាចនឹកស្មានដល់។ ទ្រង់បានរៀបចំដំណើរផ្សងព្រេងសម្រាប់អ្នករួចរាល់ហើយ ទ្រង់ចង់ឲ្យអ្នកអាចយកឈ្នះវាលើស ពីអ្វីដែលអ្នកមើលឃើញពីខ្លួនឯង។

ទ្រង់បានបំពេញមុខងាររបស់ទ្រង់ហើយ ចុះអ្នកវិញ?

ការអនុវត្ត:

សូមគិតថាតើព្រះយេស៊ូជាអ្នកគង្វាលនៃជីវិតរបស់អ្នកឬថាតើទ្រង់គួរតែក្លាយជាអ្នកគង្វាលនៃជីវិតអ្នក។ សូមនិយាយជាមួយទ្រង់ពីបទពិសោធន៍ ពីអតីតកាលរបស់អ្នកដែល ”ត្រូវបានដឹកនាំ” និងអនុញ្ញាត្តិ ឲ្យទ្រង់បង្ហាញអ្នកពីរបៀបដែលទ្រង់ដឹកនាំមនុស្ស។

Toni Lehmann – ICF Grünheide