#JESUS2019 - ពេលវេលាប្រចាំថ្ងៃជាមួយព្រះគំរូ

ដើមទំពាំងបាយជូរគឺផ្គុំដោយដើមនិងឬសរបស់វា។ វាបញ្ចូនជីវជាតិចិញ្ចឹមនិងទឹកពីដីទៅកាន់មែក។ ព្រះយេស៊ូធ្វើការអះអាងយ៉ាងមុតមាំពីអង្គទ្រង់ គឺនៅពេលដែលទ្រង់មានបន្ទូលថា “ខ្ញុំជាឬសនៃជីវិតរបស់អ្នក ហើយរាល់ជីវជាតិទាំងអស់គឺមកពីខ្ញុំ។ ដំបូងគឺដើមទំពាំងបាយជូរ (មែក) និងបន្ទាប់មកគឺផលផ្លែ។ តើអ្នកចង់ធ្វើអំពើល្អដែរទេ? ខ្ញុំហ្នឹងហើយជាឬសហើយអ្នកជាមែក។”

ចុះយើងវិញ? យើងជាម្នាក់ដែលនឹងបង្កើតផលផ្លែ។ យើងគឺជាដើមទំពាំងបាយជូរដែលបង្កើតផលផ្លែនិងចេញផលផ្លែដូចជា៖

“សេចក្ដី​ស្រឡាញ់ អំណរ សេចក្ដី​សុខ‌សាន្ត ចិត្ត​អត់‌ធ្មត់ ចិត្ត​សប្បុរស ចិត្ត​សន្ដោស​មេត្តា ជំនឿ” (កាឡាទី 5)

យោងតាមព្រះគម្ពីរ ផលផ្លែដែលល្អគឺជាមនុស្សដែលស្គាល់ព្រះយេស៊ូតាមរយៈអ្នក ដូច្នេះនៅពេលយើងរស់នៅក្រោមពន្លឺព្រះអាទិត្យនៅក្នុងចម្ការទំពាំងបាយជូររបស់ព្រះ នៅក្នុងដួងចិត្តនិងគំនិតរបស់យើង ហើយនៅពេលដែលយើងនៅជាប់ជាមួយព្រះយេស៊ូនោះយើងនឹងនាំមកនូវផលផ្លែល្អ ហើយមនុស្សដែលឃើញការនេះ គេនឹងភ្ញាក់ផ្អើលដោយសារព្រះ។

តើអ្នកមានដឹងពីមូលហេតុថា ហេតុអីបានជាគុណភាពនៃផលផ្លែរបស់អ្នកមានសារៈសំខាន់ដែរទេ? យើងត្រូវបានទទួលការយកចិត្តទុកដាក់ពីព្រះបិតារបស់យើង និងទទួលបានការមើលថែពីព្រះយេស៊ូ ហើយផ្លែទំពាំងបាយជូរនឹងលូតលាស់។ អ្នកដែលដើរកាត់ចម្ការទំពាំងបាយជូរ ហើយឃើញធុងពោរពេញដោយទំពាំងបាយជូរទុំពោរពេញដោយក្តីស្រលាញ់ អំណរ និងសន្តិភាព នឹងសួរដោយភ្ញាក់ផ្អើលថា:” តើចម្ការទំពាំងបាយជូរនេះជារបស់អ្នកណា?” ហើយអ្នកនឹងចង្អុលឡើងលើ ហើយនិយាយថា : “ជាកម្មសិទ្ធិរបស់ព្រះដែលមានអំណាចខ្លាំងក្លា”

ព្រះ‌បិតា​របស់​ខ្ញុំ​សម្តែង​សិរី‌រុងរឿង ដោយ​អ្នក​រាល់​គ្នា​បង្កើត​ផល​ផ្លែ​បាន​ច្រើន និង​ដោយ​អ្នក​រាល់​គ្នា​ជា​សិស្ស​របស់​ខ្ញុំ​មែន។ (យ៉ូហាន ១៥:៨)

នេះជាហើយ ជាមូលហេតុ ដែលសំខាន់សម្រាប់ព្រះជាម្ចាស់ ដែលយើងអាចបង្កើតផលផ្លែ។ ហើយនេះក៏ជាមូលហេតុដែលសំខាន់ ក្នុងការនៅជាប់ជាមួយព្រះយេស៊ូ។

ការអនុវត្ត: 

សូមបើកភ្នែកអ្នក ដើម្បីកត់សម្គាល់មើលពីរបៀបដែលមនុស្សចង់ដឹង ចង់ស្គាល់ពីអ្នកនៅថ្ងៃនេះ។ 

ឧទាហរណ៍ ប្រសិនបើមាននរណាម្នាក់ សរសើរអ្នក អ្នកអាចនិយាយថា :” ខ្ញុំធ្លាប់ជាមនុស្សដែលមិនសូវមានអំណរ (ភាពអត់ធ្មត់ ឬ ភាពរួសរាយ) ប៉ុន្តែតាំងពីខ្ញុំទទួលបានបទពិសោធន៍ ពីរបៀបដែលព្រះយេស៊ូប្រទានឲ្យខ្ញុំនូវអំណរយ៉ាងលើសលប់ និងពីអត្ថន័យនៃជីវិតមក ខ្ញុំចាប់ផ្តើមផ្លាស់ប្តូរពីខាងក្នុង។ ខ្ញុំពិតជាអរគុណព្រះសម្រាប់កិច្ចការនេះណាស់”

Jörg Gräfingholt - ICF Freiburg