Werp Jou Bekommernis op HomVoorbeeld

Van Spanning na Vrede

Moet oor niks besorg wees nie, maar maak in alles julle begeertes deur gebed en smeking en met danksegging aan God bekend. (Filippense 4:6).

Verhuising is een van die spanningsvolste gebeurtenisse in die lewe. Ons het na ons huidige huis getrek nadat ek byna 20 jaar in my vorige een gewoon het. Ek het agt jaar lank alleen in daardie eerste huis gewoon voordat ek getroud is. My man het toe met al sy goed ingetrek. Later het ons 'n kind bygekry, en dit het nog meer goed bygevoeg.

Die verhuising na die nuwe huis was nie sonder voorval nie. Vyf minute voordat die vervoermaatskappy opgedaag het, was ek nog besig om 'n boekmanuskrip klaar te maak. Die nuwe huis het verskeie stelle trappe gehad, dus het dit twee maal die tyd en twee keer soveel mense geneem as wat beplan was.

Ek het egter nie gespanne oor die gebeure van daardie dag gevoel nie. Toe tref dit my: ek het baie ure bestee om die boek klaar te skryf — propvol Skrifgedeeltes en Bybelse konsepte. Deur God se genade het ek die Bybel bestudeer, gebid en geskryf om my sperdatum te haal. Dus glo ek dat my diepgaande werk in die Skrif en in gebed die sleutel tot my kalmte was.

Paulus het geskryf: “Moet oor niks besorg wees nie, maar maak in alles julle begeertes deur gebed en smeking met danksegging aan God bekend” (Filippense 4:6). Wanneer ons bid — en ons in God "verbly" (vers 4) — verskuif ons die fokus van ons gedagtes van die probleem na ons Voorsiener. Ons vra God dalk om ons te help om ons spanning te hanteer, maar ons verbind ons tot Hom, wat vrede kan bied “wat alle verstand te bowe gaan” (vers 7).

Katara Patton

Voorsiener en Beskermer, ek gee my bekommernisse aan U. Mag u vrede my gedagtes en hart bewaak.