"Ang Iba Pang Anim" na Serye ng mga DebosyonalHalimbawa

Pansariling Panahon Kasama ang Diyos // Ikalawang Bahagi: Pagsamba

Ang sipi mula sa Mga Awit na ito ay isang magandang halimbawa kung saan tayo nararapat dalhin ng ating pagpupuri– na walang sinumang karapat-dapat sa ating pagtitiwala kundi ang Diyos. Ang pagmumuni-muni sa kadakilaan ng Diyos at sa kabuktutan at mortalidad ng tao ang nagiging dahilan upang bumalik tayo sa pagtitiwala sa Diyos, ang tanging makapagbibigay sa atin ng pag-asa. Ito ang naghihiwalay sa atin sa mundo: dumating na tayo sa punto kung saan napagtanto natin kung gaano kasindak-sindak ang kalagayan ng sangkatauhan, ngunit nakita rin natin kung gaano kalawak at kadakila ang pag-ibig ng Diyos. Ang Kanyang katapatan ay nagliliwanag sa isang madilim na mundong punung-puno ng kasakiman at pasakit.

Mga Praktikal na Hakbang: Gawin mong panalangin ang Mga Awit na ito ngayong umaga at ipaalala mo sa iyong kaluluwang ang Diyos ang tanging makapagbibigay sa atin ng tunay na pag-asa.