Parenting by Design na Pang-Araw-Araw na GabayHalimbawa

PAGIGING HUWARAN SA KABANALAN

Ipinapakita ng mga pag-aaral na mas natututo ang mga bata sa ating mga pagkilos kaysa sa ating mga salita. Hindi nakakagulat na isa itong ideyang mula sa Biblia. Ang sabi ni Santiago, "Mamuhay kayo ayon sa salita ng Diyos. Kung ito'y pinapakinggan lamang ninyo ngunit hindi isinasagawa, dinadaya ninyo ang inyong sarili." (Santiago 1:22 RTPV05).

Halos 2,000 taon na ang nakakalipas, binigyang-diin ni Pablo ang kahalagahan ng pagiging huwaran sa kabanalan sa kanyang batang disipulo na si Titus. Batid ni Pablo na binibigyan natin ang ating mga kaaway ng pagkakataong siraan ang ating patotoo kapag namumuhay tayo nang walang kabanalan.

Ang alituntuning ito ay magagamit din natin sa ating mga anak. Halimbawa, kung nais ng isang amang igalang ng kanyang mga anak ang kanilang ina, kailangang siya mismo ay magpakita ng paggalang dito. Kung binibigyang-diin natin ang kahalagahan ng pagsunod sa nakatakdang bilis sa pagpapatakbo ng sasakyan, kailangang maging huwaran tayo sa pagsunod sa pamamagitan ng ating pagmamaneho. Nagpapakita ang ating mga pagkilos kung anong pinaniniwalaan natin at ang ating mga anak ay tumitingin sa ating halimbawa kapag tinitimbang nila ang katotohanan ng ating mga salita.

Maging huwaran ng kabanalan para sa iyong mga anak.