Parenting by Design na Pang-Araw-Araw na GabayHalimbawa

IPAMUHAY ANG IYONG MGA SALITA

Maraming estilo ang mga Judio na eksperto sa batas upang mapaikot ang diwa ng batas at mabali ang mga sinumpaan na halos tuloy wala nang saysay ang mga pangako ng tao. Ngunit hinimok ni Jesus na mamuhay ang mga tao nang may mataas na integridad na sa gayon ay paniniwalaan sila kapag sila ay may sinabi.

Ang mga gawa natin ay dapat mas malakas kaysa ating mga salita. Ngunit kadalasan, kabaligtaran ang totoo. Kapag sinabi natin na may mga konsikuwensiya sa paglabag ng utos at bigo tayong gawin ito, ang mga anak natin ay maaaring magdududa sa katapatan ng ating mga salita. Dahil dito, maaari tayong gumamit ng mga panakot upang kumbinsihin ang ating mga anak na gagawin natin ang ating sinasabi: "Ito na ang huling beses na gigisingin kita" o, "Sa susunod, hindi ko na dadalhin ang gawaing-bahay mo sa eskuwela." Sa kasamaang palad, madalas nakikita ito ng mga anak na mga salitang wala ring saysay.

Bigyan ang inyong mga anak ng pakiramdam ng seguridad na ang inyong mga gawa ay alinsunod sa inyong mga salita.