Njaa ya Kiroho

Siku zote unaweza kujua wakati hamu ya kula inapobadilika, kwa sababu siku zote itatoa kitu cha tofauti. Kama hamu zetu za kula zinabadilika kutoka kwenye mambo ya Mungu kwenda kwenye vitu vya ulimwengu, njaa hiyo inatoa vitu vya kiulimwengu. Kinyume chake, kama hamu zetu za kula zitabadilika kutoka vitu vya ulimwengu kwenda kwenye vitu vya Mungu, njaa itatoa vitu vya Mungu.

Nini kinachozalishwa katika maisha yako leo? Ni vitu gani vinatokana na mwenendo wako wa kila siku, maneno yako, matendo yako, motisha na matamanio yako? Kama kimsingi unazalisha mambo ya ulimwengu, njaa yako imehama kutoka vitu vya kiroho kwenda vitu vya ulimwengu. Kama kimsingi unazalisha vitu vya kiroho, njaa yako imebadilika kutoka vitu vya ulimwengu kwenda vitu vya Roho.

Kama njaa yangu ni kwa mambo kama kusoma Biblia, maombi, na kuabudu, binafsi na ya pamoja, basi nina njaa inayotakiwa. Hata hivyo, kama sina njaa ya vitu hivyo, njaa yangu ni kwa ajili ya vitu visivyo sahihi.

Hebu tuangalie Biblia inasema nini juu ya njaa. Katika Yohana 6:25-70, Yesu anajiita Mkate wa Uzima. Ina maana gani? Wanafunzi wake ni kama walichanganyikiwa pia. Yesu alikuwa anajiita chanzo cha chakula chetu cha kiroho. Alikuwa anatuambia tunapoona njaa, kiroho, tunaweza kwenda kwake na kushiba.

Katika Isaya 55:1-2, tunaona maneno hayo tena. Wale wenye kiu na njaa lakini hawana fedha wanaambiwa wanaweza kula na kunywa.Kama hauna fedha hili linawezekanaje? Njaa na kiu yako aina ya kiroho-na ufalme wa Mungu haubadiliki!

Tunahitaji kurudisha njaa yetu ya mkate wa kiroho. Tunahitaji njaa kwa mambo ya Mungu. Tunahitaji kuacha kujifanya tumetosheka na kawaida. Tunahitaji kutamani kushibishwa na Neno, maombi, na kuabudu. Matumbo yetu yanahitaji kukua katika uhitaji wa uwepo wake. Tutakapofanya hivi, nafsi zetu zitatosheka, na maisha yetu yatabadilika.