મંદિરને માટે ચમત્કારિક રીતે કર ચૂકવવામાં આવ્યો

કેવી અજાયબ બાબત કે પ્રથમ માછલી જે દોરીમાં પકડાઈ તેના મુખમાં પિતર અને ઈસુને માટે કરના નાણા ચૂકવવા જેટલાની જરૂર હતી એટલા જ હતા ? ગજબ ખરુંને ? પિતર તો જાણે અવાક બની ગયો હશે અને તેમ છતાં તે વાત માનીને ગયો અને તેના લીધે તે ચમત્કારનાં લાભ તેને પ્રાપ્ત થયાં.

હાલમાં ઈશ્વરે તમને કયા અસાધારણ કામ કરવા કહ્યું છે ? શું તમે તેમની વાત માન્યા છો કે પછી તેમની આવી વિચિત્ર માંગને જોઇને તેમની વાત માનવા તમે આનાકાની કરી રહ્યા છો ? ઈશ્વર આપણને તેમની પાછળ ચાલવા અને એ મુજબ કરતા વારંવાર આપણા પોતાના વધસ્તંભને ઉઠાવવા જણાવે છે. વધસ્તંભને ઉઠાવવું એટલે આપણા પોતાના દેહને માટે અને આપણી વાસનાઓ પ્રત્યે મરણ પામવું અને દરરોજ દરેક પળે ઈશ્વરને માટે જીવન જીવવું. આ એક ઉચ્ચ તેડું છે અને તે નિર્બળ મનનાં લોકો માટેનું તેડું નથી ! તે માંગ કરે છે કે આપણે ઈશ્વરની વાણીને સાંભળીએ અને તે મુજબ કરીએ અને તેમના વચન મુજબ જીવન જીવીએ. તેમની આજ્ઞાઓની અવજ્ઞા કરીને આપણે આસાધારણ કામો માટેની અપેક્ષા રાખી શકીએ નહિ.

આપણા જીવનોની ઉપર જે માનવી અધિકારીઓને ઈશ્વર મૂકે છે તેઓને આધીન થઈને રહેવા ઈશ્વર આપણને જણાવે છે. દરેક રીતે ઈશ્વરને મહિમા મળે એમ નૈતિકતા રાખીને જીવન જીવવા તે આપણને જણાવે છે. તે ઈચ્છે છે કે આપણા દેશમાં આપણે કર ચૂકવીએ અને આપણા દેશના વફાદાર નાગરિકો તરીકે જીવન જીવીએ અને તેની સાથે સાથે એ પણ યાદ રાખીએ કે આપણે સદા સર્વકાળ સ્વર્ગના નાગરિકો પણ છીએ. દરરોજ જીવન માટે માર્ગદર્શન પ્રાપ્ત કરવા શું તમે ઈશ્વરના વચન વાંચવાની શરૂઆત કરશો ? તમારા માટે જે રુચિકર અને સુવિધાજનક લાગતી હોય એવી બાબતોને પણ છોડી દઈને તમારા જીવનમાં તેમની સર્વોચ્ચ ઈચ્છાને આધીન થઈને જીવન જીવવા શું તમે તૈયાર છો ?