ယုံကြည်သူများနှင့် ငွေကြေးသုံးစွဲမှု အနုပညာSample

၂။ ငွေသည် ဖလှယ်ရသည့် အရာတစ်ခုဖြစ်ခြင်း

ငွေသည် လူတို့ လိုအပ်သည့်အရာ၊ လိုချင်သည့်အရာများဝယ်ခြမ်းရာတွင် ဖလှယ်ရသည့်အရာတစ်ခု ဖြစ်သည်။ သို့သော်၊ အရာရာတိုင်းအတွက် ငွေမရှိလို့ မဖြစ်တော့မဟုတ်ပါ။ ငွေနှင့် ဝယ်လို့မရသည့် အရာများစွာလည်း ကျန်နေပါသေးသည်။ ထိုအထဲတွင်၊ ဘုရားသခင်၏ ကျေးဇူးတော်ကိုလည်း ငွေနှင့် ဝယ်လို့ မရပါ။ လူသားအားလုံး၏ အပြစ်အတွက် ကိုယ်စားခံပြုပေးသည့် လက်ဝါးကပ်တိုင်တွင် ယေရှုဘုရား၏ အသေခံခြင်း၊ သင်္ဂြိုလ်ခံခြင်းနှင့် ရှင်ပြန်ထမြောက်ခြင်းတို့သည် လူတို့မပြုနိုင်၊ မဝယ်နိုင်သည့်အမှုဖြစ်လျက်၊ ဘုရားသခင်မှ လူသားအားလုံးအတွက် အခမဲ့ပြုပေးသော ကျေးဇူးသက်သက်သာ ဖြစ်သည်။ ထိုကြောင့်၊ သမ္မာကျမ်းစာတွင်၊

ဧ၊ ၂း၈-၉

“ယုံကြည်သောအားဖြင့် ကျေးဇူးတော်ကြောင့် ကယ်တင်ခြင်းသို့ ရောက်ရ၏။ ကိုယ်အလိုအလျောက် ရောက်သည်မဟုတ်။ ဘုရားသခင်သနားတော်မူရာ ဖြစ်သတည်း။ ကိုယ်ကုသိုလ်ကြောင့် ကယ်တင်တော်မူခြင်းသို့ ရောက်သည် မဟုတ်။ သို့ဖြစ်၍ အဘယ်သူမျှ ဝါကြွားစရာအခွင့်မရှိ။”ဟု ဖော်ပြထားသည်။

ထို့အပြင်၊တ၊ ၈း၂၀တွင်၊“ပေတရုက၊ ဘုရားသခင်၏ကျေးဇူးတော်ကို ငွေနှင့် ဝယ်ယူမည်ဟု အကြံရှိသောကြောင့်၊ သင်နှင့်တကွ သင်၏ငွေသည်ပျက်စီးခြင်းသို့ ရောက်ပါစေ။”ဟု ရားသခင်၏ ကျေးဇူးတော်ကို ငွေနှင့် ဝယ်ယူရန် ငွေကို ယူဆောင်လာသည့် ရှိမုန်ကို ထိုသို့ပြန်ပြောခဲ့သည်။

ထိုကြောင့်၊ ငွေသည် အရာအားလုံး၏ အက္ခရာ မဟုတ်ပါ။ အရာအားလုံးကို ငွေနှင့် မဖန်တီးနိုင်ပါ။ ငွေသည် မှန်ကန်စွာ အသုံးပြုရမည့်အသုံးခံ၊ ဖလှယ်ရတစ်ခု ဖြစ်သည်။