FCA 365 Өдрийн Чимээгүй ЦагSample

БАГИЙНХАН ТАНЬ
ТАНЫ ТАЛААР ЮУ ГЭЖ ЯРЬДАГ ВЭ?

Майк Киллам

Эрдэм номгүй, эгэл хүн атлаа Петр, Иохан хоёрын зоригтой байгааг тэд хараад
гайхацгаан, Есүстэй хамт байсныг нь мэдэв. Эдгэрсэн хүн тэдэнтэй зогсож буйг
хараад, тэдэнд няцаан хэлэх юу ч байсангүй.
- Үйлс 4: 13-14

Библийн энэхүү түүхээс Петр, Иохан хоёрын эр зоригийг харж болно. Тэднийг гайхамшиг
үйлдэж, үнэнийг ярьсных нь төлөө шоронд хорьсон бөгөөд тэдний үйлчлэлийн талаар
асуухад Петр шулуухнаар Есүст бүх алдрыг өргөсөн бөгөөд аврал бол зөвхөн Христээр
дамжин олдохыг тайлбарлажээ. Энэхүү зоригтой үйлдэл нь Эзэнтэй үргэлж харилцдаг
байсантай нь холбоотой.
Би янз бүрийн зан ааш, арга барилтай дасгалжуулагчдын удирдлага дор тоглож байсан
бөгөөд тэд бүгд надад ямар нэг байдлаар нөлөөлсөн. Би болон багийнхан маань тэднээс
сурсан зүйлсээ мартахгүй гэж би итгэлтэйгээр хэлж чадна.Дасгалжуулагчдын арга
барилын талаар ойлгож, ялах сэдэлтэй болохын тулд олон удаа давтах хэрэгтэй. Зарим
дасгалжуулагч сүрдүүлж айлгадаг бол зарим нь зоригжуулдаг. Энэ хоёр арга нь хоёул үр
дүнтэй байдаг ч зарим нөхцөлд аль нь байхаас хамаарч давуу тал үүсдэг. Аль аль нь багийн
ажиллагааг голчилдог.
Есүс бол бидний мөнхийн дасгалжуулагч тул бид амьдралаа Петр, Иохан хоёр шиг
зоригтойгоор туулж, өөрсдийн зүрх сэтгэл болон дасгалжуулах арга барилаа дүгнэж байх
хэрэгтэй. Тамирчид, эсрэг багууд, хөгжөөн дэмжигчид бидний талаар юу гэж ярьж байна
вэ?

1.Та өөрийн дасгалжуулах арга барилаа хэрхэн сайжруулж болох вэ?
2.Багийнхан тань таны талаар юу гэж ярьдаг вэ?
3.Та багийнхан болон хөгжөөн дэмжигчдэдээ эерэг нөлөө үзүүлж чаддаг уу?
4.Нэмэлтээр унших: 2 Коринт 3:12; 2 Тимот 2:1-2; Тит 2: 1-8

Эзэн минь, миний зүрхийг үнэлж дүгнэн, Өөрийн арга замыг таниулаач. Багаа удирдан
дагуулж буй арга Таны хүсэлд нийцэх болтугай. Над руу илгээсэн Таны хүмүүст би
зөвөөр нөлөөлөхөд туслаач. Амен.