FCA 365 Өдрийн Чимээгүй ЦагSample

ЧИ ЯМАР СПОРТОД ДУРТАЙ ВЭ?

Тоом Векессэр

Ах дүүсийн хайраар бие биеэ хайрла.
Бие биеэ өөрсдөөсөө дээгүүр дээдлэн хүндэл.
- Ром 12: 10

Чамд ямар нэг дуртай спорт бий юу? Бид ямар ч спортод дуртай байсан, бүх спортыг
хүндэлж, өөрсдөдөө болон өрсөлдөгчдөдөө ч хүндлэлтэй хандах хэрэгтэй. Мөн шудрага
хандах ёстой. Би үүнийг гольфоос хамгийн их олж хардаг. Миний хувьд гольфийн гол
чанар нь нэгдүгээр байрт орох биш санагддаг.
Өрсөлдөгчдөө хүндэтгэлтэй хандах олон арга зам бий. Үүнд: тэмцээний өмнө бас дараа
нь гар барих, унасан өрсөлдөгчөө татаж босгох, тоглолтын дараа өрсөлдөгч нартаа баяр
хүргэх гэх мэт. Тамирчин хүн өрсөлдөгчдөө элэг доог хийж, хүндэтгэлгүй харьцах нь
бардам, хямсгар зангийн илрэл бөгөөд энэ нь биеэ зөв авч яваа байдал биш юм. Мэдээж
хүндлэхэд хэцүү тамирчид байдаг бөгөөд тэр нөхцөлд бид сайн тамирчны үлгэр дууриалал
үзүүлэх хэрэгтэй. Бусдыг хүндэлье гэвэл даруу байх хэрэгтэй. Дасгалжуулагч, тамирчин,
албаныхан болон хөгжөөн дэмжигчид өрсөлдөгчөө хүндлэхийн ач холбогдлын талаар ярих
хэрэгтэй бөгөөд үг, үйлсээрээ үүнийгээ батлах хэрэгтэй.
Бүгдээрээ өрсөлдөгчдөө хүндлэхийн тулд хичээцгээе. Энэ бол спортын амин сүнс
юм. Элч Паул “Уралдааны замд гүйгчид бүгд гүйдэг ч нэг нь л шагнал хүртдэгийг та нар
мэдэхгүй гэж үү? Та нар ялахын тулд гүйцгээ.” гэж хэлжээ (1 Коринт 9:24). Жинхэнэ шагнал
бол Есүс Христээр дамжин ирэх мөнх амь билээ.

1.Та ямар спортод хамгийн их дуртай вэ? Яагаад?
2.Тамирчин эсвэл дасгалжуулагч хүн өөрийн өрсөлдөгчдөө хэрхэн жинхэнэ тамирчин
хүний ёсоор хандах вэ?
3.Сайн тамирчин байх нь Бурханыг хэрхэн алдаршуулдаг вэ?
4.Нэмэлтээр унших: Сургаалт үгс 15:33; Матай 15:8; Колосай 3:23

Эзэн минь, спортод хөл тавих боломж өгсөнд баярлалаа. Өөрийгөө бүрэн дайчлан,
Танд болон бусдад хүндэтгэлтэй хандахыг хичээх үед Та надад Өөрийн замыг харуулж,
үнэнээрээ хөтлөөч. Амен.