FCA 365 Өдрийн Чимээгүй ЦагSample

БУРХАНД ИТГЭХ НЬ

Ал Ширбаум

Есүс түүнд
—Чи Намайг харсан учраас итгэв үү?
Хараагүй атлаа итгэсэн нь ерөөлтэй еэ! гэжээ.
– Иохан 20:29

Бид ухамсарлаж байгаа эсэхээс үл хамааран итгэлээр амьдардаг. Бид унтраалга дарах
үед гэрэл асна гэдэгт итгэлтэй байдаг. Найз нөхөд, хань ижил маань харилцаандаа
үнэнч байна гэдэгт бид итгэдэг. Тоглогчид найдаж байгаа шиг тоглолтыг үзүүлнэ гэдэгт
менежерүүд итгэдэг. Багийн бүх тоглогчид тоглоно гэдэгт тамирчид итгэдэг. Библид
итгэлийг “найддаг зүйлсийн маань бодит байдал, харагдахгүй зүйлсийн баталгаа мөн” гэж
тодорхойлдог (Еврей 11: 1).
Итгэл гэдэг нь хэн нэгэн эсвэл ямар нэгэн зүйл хэлснийхээ дагуу явагдана гэдэгт итгэх юм.
Бид өөрсдийн бүрэн итгэдэггүй зүйлдээ, эсвэл итгэж найддаггүй хэн нэгэний төлөө амиа
өгвөл тэнэг хэрэг болно. Гэвч Бурхан л бүх цаг үеийн турш Өөрийгөө найдвартай гэдгийг
баталсан. Бид Бурханыг бодитоор хардаггүй тул Түүнд итгэхийн тулд итгэл зайлшгүй
хэрэгтэй. Амилсныхаа дараа Томаст Есүсийн хэлсэн үгс энэ үнэнийг маш тодорхой
харуулдаг: “Чи Намайг харсан учраас итгэв үү? Хараагүй атлаа итгэсэн нь ерөөлтэй еэ!”(
Иохан 20:29).
Дасгалжуулагчид хүмүүсийг өөрсдийн шийдвэр, зан чанарт итгээсэй гэж хүсдэг. Үүнчлэн
тоглогчид болон бидний удирдлаган дорх бусад хүмүүс удирдлагад маань итгэхээр шийдэх
нь бидэнд таалагдах нь дамжиггүй. Бурхан биднээс амьдралын бүхий л талбар дээр ижил
зүйлийг хүсдэг. Энэ нь бид энэ дэлхий дээр зөвхөн Бурханд итгэх явдал билээ. Еврей 11-р
бүлэгт гарч буй хүмүүс Бурханд таалагдсан агуу итгэлийн үлгэр жишээг харуулдаг. Бидний
итгэл биднийг байхгүй болсны дараа ч бусдад нөлөөлж болдог гэдгийг тэднээс харж болно.
Бурхан итгэлийг үргэлж шагнана гэж Библид заадаг бөгөөд үнэндээ итгэлгүйгээр Түүнд
таалагдах боломжгүй билээ. Та аврагдахын тулд Бурханд итгэж, Түүний Хүү Есүс Христээр
дамжуулан Түүнтэй харилцаатай болсон уу? Хэрэв үгүй бол, яагаад одоо болохгүй гэж?
Гэмээ хүлээн зөвшөөрч, Христийг зүрх сэтгэлдээ уриарай (Ром 10: 9–10).

1.Бурханд амьдралаараа итгэхэд тань юу саад болж байна вэ?
2.Хүмүүс яагаад итгэл эвддэг вэ?
3.Хэн нэгэн таны итгэлийг алдахад танд ямар мэдрэмж төрдөг вэ? Хэн нэгэн танд
итгэх үед танд ямар мэдрэмж төрдөг вэ?
4.Нэмэлтээр унших: Иохан 1:12; 3:16; Ефес 2:8-9; Еврей 11:1–6

Бурхан минь, Христ бол миний Аврагч, Эзэн гэдэгт би аль хэдийн итгэсэн; одоо мөн өөр
арга замуудаар Танд итгэхэд надад туслаач. Амен.