FCA 365 Өдрийн Чимээгүй ЦагSample

ХОНГИЛЫН ХАРАА

Майкл Хилл

Ах дүү нар аа, би үүнийг өөрийн болгосон гэж бодохгүй байна. Харин хийдэг ганц
юм маань ардхаа мартаж, урдах зүйлс рүүгээ тэмүүлж, Христ Есүс дотор Бурханы
дээш чиглэсэн дуудлагын шагналын төлөө бариа өөд урагшилдаг.
– Филиппой 3:13-14

Маш олон удаа дасгалжуулагчид өмнөх тоглолтын үеийг одоо цагийн стандарт
болгохыг зөвшөөрдөг. Энэ нь “Энд урьд өмнө хэзээ ч ийм зүйл хийж байгаагүй” эсвэл
“Бид хэзээ ч шувтаргад шалгарч байгаагүй” гэх мэт мэдрэмжийг илэрхийлдэг. Үүний үр
дүнд бид өнгөрснөөр одоог захируулахыг зөвшөөрдөг. Мэдээжийн хэрэг, өнгөрсөн нь
одоогийн гүйцэтгэл, багийн сэтгэл санаанд эерэг эсвэл сөргөөр нөлөөлөх боломжтой. Аль
ч тохиолдолд, өнгөрсөн жил болсон үйл явдлалдаа автах хэтэрхий амархан байдаг. Хойшоо
харахаас илүүтэйгээр бид улирлын амралтаар урдах зүйлдээ бэлтгэхийн тулд шаргуу
хөдөлмөрлөхөд анхаарлаа төвлөрүүлэх хэрэгтэй. Бид өөрсдийн боломж бололцоогоо
бүрэн ашиглахын тулд өнгөрсөн улирлуудаа ард орхиж цааш алхах хэрэгтэй.
Элч Паул үүнийг дэндүү сайн мэдэж байсан. Тэрбээр хамгийн хэцүү түүхтэй ч хамгийн
агуу нөлөөтэй элч байсан. Паул итгэхээсээ өмнө Христэд итгэгчдийг хавчиж, тэднийг
устгахын тулд эрх баригчдаас зөвшөөрөл авч байсан. Гэсэн хэдий ч, итгэснийхээ дараа
Паул анхны чуулганы хамгийн хүчирхэг удирдагч болжээ. Тэр Есүсийн цусаар Бурханы
нигүүлсэл ба өршөөлийг хүлээн авсан бөгөөд үр дүнд нь түүний амьдрал үүрд өөрчлөгдөж,
түүнийг “ардаа байгаа зүйлийг мартаж” чадахад хүргэсэн. Түүний төлөөх Христийг
золиосын мөн чанар нь Паулд Бурханы түүнд өгсөн зорилгын төлөө зүтгэх боломжийг
олгов. Бурхан түүний шүүмжийг арчиж, түүнийг өмнөх амьдралын хэв маягаас нь аварсан
гэдгийг тэр мэдэж байсан учир өмнөх алдаанууд нь Эцэгийнхээ хүслийг биелүүлэхэд өөрт
нь саад болохоос Паул татгалзсан.
Хэрэв Христэд итгэгч олон хүнийг итгэлийнх нь төлөө хавчсан Паул Христээр дамжуулан
Бурханы уучлалыг хүлээн авч, өнгөрснөө ардаа орхиж чадсан бол бид ч мөн адилхан чадна.

1.Таныг өнгөрсөн үеийн юу нь өнөөдрийн Бурханы хүслийг биелүүлэхэд саад болж
байна вэ?
2.Та Бурханы нигүүлсэл ба өршөөлийг хүртсэн үү?
3.Өнгөрсөн амьдралаа хэрхэн орхих талаар хэн нэгэнтэй ярилцах хэрэгтэй юу?
4.Нэмэлтээр унших: Иеремиа 29:11; Ром 3: 23-24; Галат 2:20; 2 Тимот 1: 8–12

Нигүүлсэнгүй Бурхан минь, намайг харанхуйгаас Есүс Христээр дамжуулан Өөрийн
гайхамшигт гэрэл рүү дуудсанд талархаж байна. Амен.