FCA 365 Өдрийн Чимээгүй ЦагSample

ЭЗЭН БОЛ МИНИЙ ХУВЬ

Марк МкЭлрой

ЭЗЭНий хайр энэрэл дуусдаггүй
Өршөөлд нь төгсгөл гэж үгүй.
Өглөө бүр энэ нь цоо шинэ юм.
Үнэнч сэтгэл тань юутай аугаа вэ!
“ЭЗЭН миний хувь” гэж
Амин сэтгэлээсээ би өгүүлдэг
“Түүнд л хамаг найдлага минь буй.”
- Гашуудал 3:22-24

Тэр мөрөөдөж байсан ахлах дасгалжуулагчийн ажлаа амжилт арвинтай сургуулиас
эхлүүлэх боллоо. Эхний хэдэн жилдээ удаа дараалан ялж, аваргын цом хүртсэн ч
сүүлийн хоёр улирлаа тааруухан амжилттай өндөрлүүлжээ. Энэ үеэс олон нийт шүүмжилж,
эхнэр нь зай завсаргүй буруутгах болов.
Тэр өдөр бүр гундуу царайлан гэртээ ирж, гэр бүлдээ ч анхаарах тэнхээгүй байв.
Гэртээ ирэв үү, үгүй шууд л өрөө рүүгээ сажилна. Иеремиа хэрхэн өөрийн сэтгэл гутралаа
Бурханд өчиж, амжилтыг Бурхан хэрхэн хардаг гэдгийг ойлгох хүртэл түүний энэ байдал
үргэлжилсэн юм.
Тэрээр дасгалжуулагч хүн үйл явцаас илүү амжилтын хойноос хөөцөлдөж, үр дүнг
чухалчлахаараа хэрхэн самуурдгийг мэдэж байв. Эцэст нь тэр Бурхан өөрт нь залуу
эрчүүдэд заах, дасгалжуулах гайхалтай боломж өгснийг ухаарсан байна. Тэр цагаас эхлээд
өөрт нь өгөгдсөн боломж, цаг хугацаа бүрийн төлөө Эзэнд талархаж, Түүний Нэрийг
өргөхийн төлөө хичээх болов. Мөн тамирчдаа дасгалжуулахдаа анхаардаг шигээ Эзэнд
итгэлээ тавьж, Түүнийг бүх зүрхээрээ хайх ёстойг ойлгосон юм.
Тэр өдөр бүр Эзэнийг хайж, Түүнээс өгөгдсөн ерөөл бүрд талархан амьдрах болов.
“Эзэн бол миний хувь” гэдэг үг түүнд цоо шинэ утгаар ойлгогдож, ялалт ялагдал түүний
хэн гэдгийг тодорхойлохоо болилоо. Бид ялсан ч бай, ялагдсан ч бай өөрсдийн хамгийн
сайнаар Түүнийг хүндэлсэн бол энэ нь Бурханд яг л ижил үнэ цэнтэй. Тэр ялалт ялагдлаас
илүү бидний зүрхийг анхаардаг.

1.Та хөтөлбөрөө явуулах гээд толгой өндийх завгүй байна уу?
2.Тэмцээний үр дүн таны өөрийгөө үнэлэх үнэлэмжид хэр нөлөөлж байна?
3.ХөтөлбөрөөрөөдамжууланБурханыгалдаршуулахадтабагтамирчдаахэрхэн
бэлтгэж байна вэ?
4.Нэмэлтээр унших: Дэд хууль 10:12; Дуулал 119:57–64; Матай 6:19–24

Аав аа, хүмүүсийн нүдээр бус харин Таны нүдээр өөрийгөө харахад туслаач. Амен.