YouVersion Logo
Search Icon

FCA 365 Өдрийн Чимээгүй ЦагSample

FCA 365 Өдрийн Чимээгүй Цаг

DAY 198 OF 365

БЭЛЭН БАЙ!

Жеф Фовер

Сэрэмжтэй бай. Итгэлдээ бат зогс.
Эрэмгий, хүчтэй бай.
- 1 Коринт 16:13


Бейсболын домогт тоглогч Тай Коб бол бүх цаг үеийн хамгийн шилдэг цохигч байснаас
гадна гайхалтай үүр хулгайлагч “чөтгөр” байсан. Түүний намтрын талаар өгүүлсэн
“Бейсбол дахь миний амьдрал” номд Коб үүр хулгайлахдаа хэрхэн өрсөлдөгч тоглогчдоо
аргалж хуурдаг талаараа өгүүлсэн байдаг.
Нэг л тамирчныг хуурах нь амаргүй байсан гэдгээ Коб хүлээн зөвшөөрсөн юм. Коб
зургаан жил тоглохдоо тэр тамирчныг цөөхөн удаа л хуурсан тул түүний бодлыг сарниулах
“ам мэх” ашиглахаар шийдсэн ажээ.
Сатан өөрийн худал хуурмаг, схем, хууран мэхлэлтээр дамжуулан биднээс үүрнээс ч
илүү зүйл хулгайлахыг хүсэж байна. Дасгалжуулагчид бид багаа дараагийн өрсөлдөгчтэй
тулахад бэлтгэхээр зорьж байна. Ингэхдээ тэд өрсөлдөгч тамирчин болон багийн бүх арга,
тактикийг судлах учиртай. Яг үүнтэй адил итгэгч хүний хувиар та өөрийн дайсан болох
Сатаны дайралтад ч бэлэн байх учиртай. Мэдээж бидэнд бүх цаг үеийн хамгийн агуу
дасгалжуулагч Есүс бий. Тэр бидэнд тулаанд бэлдэх бүх заавар, зөвлөгөөг өгсөн. Тиймээс
бид цаг ямагт Түүнд итгэж, найдан зааврыг нь дагах учиртай.


1.Сатан таны сул талыг мэддэг учир сул тал руу чинь довтолдог. Таны сул тал юу вэ?
2.Муу нэгний сорилтоос сэргийлэхийн тулд та юу хийж чадах вэ?
3.Нэмэлтээр унших: Ефес 6:11-18; Филиппой 4:8; 1Петр 5:8-9


Эзэн минь, Сатаны сорилтод орохгүйн тулд сэрэмжтэй байхад туслаарай. Гэм
нүглийн урхи зангыг олж харж, зайлах мэргэн ухаан, эр зоригийг надад өгөөч. Амен.

About this Plan

FCA 365 Өдрийн Чимээгүй Цаг

Амьдралын маань бүх талбарт Есүс Эзэн бидэнтэй хамт байдаг ба бид байгаа газар бүрдээ Түүнийг хүндэлж, хайрлаж, алдаршуулах боломжтой билээ. Спортынхон бидний амьдрал өрсөлдөөн дунд оршдог хэдий ч энэ гайхалтай өрсөлдөөн, тэмцэл дундаа Түүнтэй хэрхэн хамт алхаж, амьдарч болохыг суралцахын зэрэгцээ өөрсдийн итгэл болон Эзэний бүтээсэн спорт хэмээх энэ гайхалтай зүйлийг ч мөн дараа үедээ өвлүүлэн үлдээцгээе. Бидний Эзэнд бүх алдар нь байх болтугай.

More