Soma Biblia Kila Siku/ FEBRUARI 2023Sample

Kumbe, hata kama kizazi chetu tumemkosea Mungu, yeye anaweza kubadilisha mambo, tukapata kizazi kipya chenye kumpenda na kumwabudu Mungu. Ndivyo ilivyotokea Yuda, hata bila Abiya kutubu na kumwombea mtoto wake. Asa anaamua kufuata kama alivyofanya babaye Daudi. Akawafukuza mahanithi katika nchi, akaziondoa sanamu zote walizozifanya baba zake (11-13). Matokeo yake, anapata kibali kwa Mungu, uongozi wake unabarikiwa, na jamii inafurahia matunda ya uongozi bora. Tutumie nafasi tuliyo nayo kwa ajili ya kumtumikia Mungu kwa uaminifu, naye atabariki na kuyafanikisha maisha yetu.