Soma Biblia Kila Siku/ FEBRUARI 2023Sample

Akili haikubali wokovu wa bure namna hii! Je, Ibrahimu hakufanya tendo lolote ili apewe uheri huu? Huenda alikuwa ametahiriwa kwanza na halafu imani yake ikahesabiwa kuwa ni haki (m.9-10)? Hapana, hapana! Neema ni neema, haina madai yoyote. Kutahiriwa kwa Ibrahimu kulifuata baadaye kama alama ya kuthibitisha kuwa alikwisha hesabiwa haki kwa imani (m.11)! Aliyetahiriwa na asiyetahiriwa wana hali hii moja: Wote wanahesabiwa haki bure kwa kuamini neema ya Mungu iliyofunuliwa katika Yesu Kristo!