Spreuke – eenjaarleesplanSample

Die pa herinner sy seun laastens daaraan dat God dié dissiplineer wie Hy liefhet. Daarom moet hy die straf en teregwysing van die Here aanvaar. Dissipline bevestig sy kindskap, die sesde aspek van hierdie les. Dit is ’n gedagte wat die skrywer van Hebreërs ook op ons eie geestelike lewe van toepassing maak (Hebreërs 12:5-6). Lyding ter wille van die evangelie is ’n teken dat jy aan die geloofsgemeenskap behoort! "Soos ’n goeie pa soms met sy geliefde seun raas, so maak die Here ook met ons. Hy raas met ons omdat Hy ons so baie liefhet. So help Hy ons om met nog groter wysheid en vreugde te leef” (DB).