Spreuke – eenjaarleesplanSample

Die “vierde lewensles" beslaan die res van hoofstuk 3, hoewel 'n mens dit ook in kleiner dele of lewenslesse sou kon opdeel. In die eerste deel spel die pa die voordeel van die wysheid uit (Spreuke 3:13-18) met ’n beklemtoning op ’n vertroue in God se mag (Spreuke 3:19-20), en in die tweede deel gee hy 'n paar praktiese voorbeelde van die wysheid in aksie (Spreuke 3:21-35). Hierdie drie verse is ook die eerste “saligsprekinge” in Spreuke met die volgende boodskap: "Wysheid is beter as welvaart." Insig is beter as silwer, goud, en edelgesteentes. Pas jou planne vir die toekoms dus aan om eerder wysheid as welvaart te bekom.