Vas – ’N Gids Vir BeginnersSample

Dit is belangrik om vir ’n vas voor te berei – ook op ’n praktiese manier. Hoe kan jy die regte tipe vas en die beste lengte kies wat pas by jou leefstyl?

Wanneer jy hierdie besluit neem, moet jy jou gesondheid en daaglikse roetine in ag neem. As jy op medikasie is, moet jy versigtig besluit hoeveel dae jy wil vas. Praat met jou dokter voordat jy begin vas as dit langer as ’n volle dag gaan wees, want dit kan lei tot probleme wat jou gesondheid betref.

Die tipe vas wat jy kies, hang van jou af. Jy kan op ’n volledige vas gaan en slegs vloeistowwe drink of jy wil dalk vas soos Daniël deur water te drink en genotvolle kos uit te sny.

Onthou, een doel van vas, is om tyd opsy te sit om in die teenwoordigheid van God te wees. Neem tyd om te bid, sy Woord te bestudeer en jou verhouding met God te voed.

Jy kan so lank vas as wat jy wil. Die meeste mense kan maklik een tot drie dae vas, maar jy voel dalk die behoefte en genade om langer te vas – selfs soveel as 21 tot 40 dae.

Lê wysheid aan die dag en bid vir leiding. As jy nog nooit gevas het nie, begin stadig.

Onthou, wat jy kies om op te gee, is nie so belangrik soos die gesindheid in jou hart waarmee jy dit doen nie.

Vandag se gebed:

Vader, lei my in die besluit oor watter tipe vas ek moet doen en hoe lank. Gee vir my die wysheid, want ek wil u Seun se voorbeeld volg.