Soma Biblia Kila Siku Juni/2022Sample

Wafilipi lilikuwa Kanisa la kwanza Ulaya, huko Ugiriki. Lilijaliwa kushiriki kazi ya kuwapelekea watu wengine habari ya wokovu kwa michango yao. Wamekuwa fundisho bora kwetu kuwa tuchangie kazi ya Injili bila kujali mipaka ya Utaifa na Ukabila. Tusitie shaka katika mafanikio ya kazi hii ya neema, kwani kama vile wokovu wetu ulivyoanzishwa na kutunzwa na Mungu hata mwisho, ndivyo atakavyoitunza kazi ya Injili. Twaona Paulo akiwaombea Wafilipi, jambo lililo wajibu wa Wakristo. Tumwige.