Soma Biblia Kila Siku Juni/2022Sample

Wana wa Mungu wanapaswa kuishi kwa hofu na kutetemeka mbele za Mungu awaonaye sirini, bila kusimamiwa au kukaguliwa na mchungaji, wakijua kwamba ni Mungu awawezeshaye katika kutenda na kuamini kwao. Kwa kuwa Mungu ndiye atendaye ndani yao, na kwa kuwa yote atendaye Mungu ni matakatifu, maisha ya wana wa Mungu yataonyesha utakatifu. Hii ndiyo sababu wana wa Mungu ni nuru ya ulimwengu (Mt 5:14,Ninyi ni nuru ya ulimwengu. Mji hauwezi kusitirika ukiwa juu ya mlima). Leo omba, Mungu akusaidie kuishi kama nuru kwa wenzako.