Soma Biblia Kila Siku Juni/2022Sample

Wakristo wamefungamanishwa katika umoja wa Roho Mtakatifu, ambaye huwawezesha kuombeana, kutiana moyo, kusaidiana, huku wakikubaliana katika mambo yote, kwa kuhurumiana na kutumikiana. Wakidumu hivyo, kwa nguvu na uweza wa Roho akaaye ndani yao, wanaepushwa na ubinafsi, na wanavikwa kunyenyekeana na kubebeana mizigo kama Kristo alivyofanya, akafanyika mfano kwao. Kwa hiyo tumtazame Kristo, mwenye kuanzisha na mwenye kutimiza imani yetu, tukitaka kuishi tunavyoonywa na somo la leo.