Soma Biblia Kila Siku Juni/2022Sample

Mungu Baba yetu hutupenda, kwa hiyo hutupa yale tumwombayo. Yesu Kristo anasema,Mkimwomba Baba neno lo lote atawapa kwa jina langu(Yn 16:23b). Kwa maombi, Mungu hutupa nguvu kushinda majaribu na pingamizi za kazi yake kwa njia ya Roho Mtakatifu. Paulo anahamasisha Wafilipi wamwombee aruzukiwe hivyo ili aendelee kuhubiri Injili. Anajua kifo kwake ni lazima na anakifurahia akaishi na Kristo. Lakini kwa kitambo angependa aishi duniani kuwaimarisha Wafilipi. Msomaji, unaonaje bidii yako kueneza Injili uwapo duniani? Waona kuwa “kuishi kwako ni Kristo”?