Soma Biblia Kila Siku Juni 2021Sample

Hili ni neno la kuzingatia kwako uliyejitoa kuwa mhudumu wa neno katika kanisa, k.m. mwinjilisti, mchungaji au mwalimu wa watoto. Huenda ungependa kumwuliza Yesu swali kama Petro: Tazama, sisi tumeacha vyote tukakufuata wewe; tutapata nini basi (Mt 19:27)? Yesu hakatai swali hili. Ikiwa msukumo wa huduma yetu kweli ni Yesu na Injili yake (m.29b), kweli kuna mambo tutakayopata: Atapewa mara mia sasa wakati huu, nyumba, na ndugu waume, na ndugu wake, na mama, na watoto, na mashamba, pamoja na udhia; na katika ulimwengu ujao uzima wa milele (m.30). Yesu anatoa ahadi tatu hapo: 1. Familia mpya katika Yesu. 2. Udhia. 3. Uzima wa milele. Mbili zahusu maisha haya.