Сүнслэг байдлын өлсгөлөн

Энэ нь үргэлж огт өөр зүйлийг бий болгодог учраас хоол идэх дуршил өөрчлөгдөх бүрд та үүнийг мэдэж чаддаг. Хэрэв Бурханы зүйлсээс хорвоогийн зүйлсэд дуршил чинь өөрчлөгдөх юм бол тэр өлсгөлөн нь хорвоогийн зүйлсийг л бий болгодог. Эсрэгээр нь, хэрэв бидний дуршил хорвоогийн зүйлсээс Бурханы зүйлс болж солигдох юм бол тэрхүү өлсгөлөн нь Бурханы зүйлсийг л бий болгодог.

Амьдралдаа бид өнөөдөр юуг бий болгож байна вэ? Өдөр бүрийн алхаа, яриа, үйлдлүүд, сэдэлтүүд ба хүслүүдээс тан юу гарч байна вэ? Хэрэв та ихэнхдээ хорвоогийн зүйлсийг бий болгон байгаа бол дуршил тан Бурханы зүйлсээс хорвоогийнх болон өөрчлөгдсөн аж. Хэрэв та ихэнхдээ Сүнсний зүйлсийг бий болгон буй бол дуршил тан хорвоогийнхоос Бурханы зүйлс болон өөрчлөгдсөн аж.

Хэрэв дуршил маань Библи унших, хувийн болоод олон нийтийн залбирал ба магтаал хүндлэл байгаа бол зөв өлсгөлөн надад байгаа гэсэн үг. Гэсэн хэдий ч, хэрэв би эдгээр зүйлийг хүсэхгүй байгаа бол өлсгөлөн маань буруу зүйлд байгаа гэсэн үг.

Өлсгөлөнгийн талаар Библи дээр юу гэдгийг хамтдаа харцгаая. Иохан 6:25-70-д Есүс Өөрийгөө Амийн талх бол Би байгаа юм гэж хэлдэг. Энэ юу гэсэн утгатай вэ? Шавь нар ч мөн адил төөрөлдсөн байв. Сүнслэг хоол хүнсний маань эх сурвалж нь хэмээн Есүс Өөрийгөө хэлж байгаа нь энэ. Сүнсний хувьд өлсөх үедээ бид Түүн рүү очиж, цатгагдах болно гэж Тэр хэлж байгаа аж.

Исаиа 55:1-2-т энэ зүйрлэлийг ахин ашигласныг нь бид хардаг. Цангасан бас өлссөн, мөнгөгүй хүмүүс ээ ирж идэж уу гэж хэлсэн. Тэдэнд мөнгө байхгүй бол тэд хэрэн ингэж чадах билээ? Тэдний өлсгөлөн ба цангаа нь сүнслэг хэлбэрийнх бөгөөд – Бурханы Хаанчлал хэзээ ч өөрчлөгддөггүй!

Бид ахин сүнслэг байдлын талхыг хүсэн өлсөх хэрэгтэй. Бурханы зүйлсийг бид хүсэх хэрэгтэй. Орчлонгийн зүйлсээр сэтгэл хангалуун болохоо бид болих хэрэгтэй. Үг, залбирал ба магтаал хүндлэлийн хоол хүнсийг бид хүсэн тэмүүлэх хэрэгтэй. Түүний оршихуйг хүссэнээсээ болж гэдэс маань хоржигнодог байх хэрэгтэй. Бид ингэх үед сүнс маань хангалуун болж, амьдрал маань өөрчлөгдөх болно.