Сүнслэг байдлын цангаа

Та дуусгаж чадлаа! Бурханы танд зориулсан бэлтгэсэн бүхнийг хүлээн авахад тан саад болж буй бүх зүйлээс өөрийгөө хоосруулах зовлонтой бөгөөд амаргүй ажлыг та тэсвэрлэж ард нь гарлаа. Өнгөрсөн долоо хоногийн туршид та өөрийгөө даруу болгон, өөрийгөө хянаж мөн зөвхөн махан биед тааллыг авч ирэхүйц зүйлсээс өөрийгөө чөлөөллөө. Энэ нь амаргүй байсан хэдий ч асар их үнэ цэнтэй зүйл байсан.

Дараагийн долоо хоногт, Ариун Сүнсээр дүүргэгдсэн байхад бид зүрх сэтгэлээ хандуулах болно. Амьдралдаа үүсгэн бий болгосон тэр орон зай маань одоо Бурханаар дүүргэгдэх гэж байна. Таны амьдрал урьд өмнө байгаагүй тэнцвэрт шилжих гэж байна. Амьдралын томоохон өөрчлөлтөд бэлдээрэй.

Иохан 4:13-14-т, сүнсний цангааг тодорхойлсон байдаг. Есүсийн хамгийн эхэнд дурдсан ус буюу – энэ дэлхийн зүйлс – хэсэгхэн хугацаанд цангааг тан тайлах боловч та дахиад л цангах болно. Дахиж хэзээ ч цангахааргүй тийм усны талаар Тэр цааш нь өгүүлдэг. Тэр ус бол Ариун Сүнс юм. Энэ нь бидний хүсдэг ус байх ёстой.

Иохан 7:37-39-д, "цангасан хүн байвал Над руу ирж уугтун" хэмээн хэлснээрээ Есүс цааш нь үргэлжлүүлсэн. Сүнсийг буюу энэ дундаршгүй усыг хүлээн авахын тулд бид Есүсийг хүлээн авч, Бурханы Үгэнд Түүний бидэнд хэлсэн зүйлсэд итгэх хэрэгтэй.

Хүсэл сонирхолдоо бид хөтлөгдөх шаардлагагүй. Махан биеийнхээ хувьд цангаж, зөвхөн Ариун Сүнс амийн усаар хангаж чадна.