Vegter Leesplan Vir MansVoorbeeld

Kies 'n Geveg

Hoe het 'n man met soveel Godgegewe potensiaal in so 'n aaklige plek geëindig? Soos ons 'n paar dae gelede gesien het, het Simson nie alles gelyktydig gedoen nie. Hy het:

Een. Ding. Op. 'n. Slag. Gedoen.

In Simson se verhaal lyk dit asof hy telkens drie treë weg van God gegee het, en dan net een tree terug na Hom toe.

Wat van jou? Waar gee jy treë weg van God af? Dink regtig hieroor na. Kyk lank en ernstig na die verskillende areas van jou lewe. Is jy sterk genoeg om brutaal eerlik met jouself te wees?

Neem jy op enige wyse treë weg van God af? Op watter trappie is jy nou? Trappie nommer een? Of trappie nommer 56 249? Êrens tussenin? Dit maak nie saak hoeveel treë jy alreeds geneem het nie, ek het 'n eenvoudige en diepgaande oplossing vir jou. Is jy gereed?

Draai om.

Dis reg. Draai om. Vat die ander pad! Dit is nie te laat nie. Dit is regtig so eenvoudig. Veg teen die momentum om na sonde te beweeg, en begin om in die ander rigting te beweeg. Wanneer jy omdraai, raai wie sal daar vir jou wag? Jou God. Hy is gereed om jou te leer en saam met jou te veg. Wanneer jy vir die saak veg wat God vir jou gee, sal jy nooit sonder sy krag veg nie.

Dit is tyd om 'n geveg te kies. Watter stryd staar jy in die gesig? Gee dit 'n naam.

Ontsluit die vegtershart binne-in jou. Begin veg. As jy in Christus is, is jy meer as 'n oorwinnaar. Die manier waarop jy jou vyand oorwin, is deur die bloed van die Lam (Christus) en deur die woorde van jou getuienis. Begin om jou verhaal te verander. Laat dit oor Hom gaan. Ons krag is nie ons eie nie; dit is in Hom.

Jy het die hart van 'n vegter. As jy kies: Kan niks jou aandag aftrek nie. Mense kan jou nie ontnugter nie. Kritici kan jou nie laat ontspoor nie. Duiwels kan jou nie keer nie.

Jy is 'n man. God het aan jou 'n saak gegee om jou te inspireer. Gee eer daaraan. God het jou wapens gegee om daarvoor te veg. Staar jou vrees in die gesig. Vertel die waarheid. Veg, en veg om te wen. Jy is gereed. Jy het toestemming en jy is nie alleen nie. Dit is tyd om nie langer blindelings deur jou lewe te gaan en in jou vyande se strikke te trap nie.

Draai om. Draai om en veg vir jou lewe.

Volgende Aanbevole Stappe: Moenie hier ophou nie. Begin hier. Skryf in vir 'n nuwe leesplan. Sluit by 'n kleingroep aan. Vra vir God wat Hy vir jou gesin wil hê. Neem jou vrou op 'n afspraak en deel jou visie met haar. Lei dan die weg vorentoe.