Vegter Leesplan Vir MansVoorbeeld

Ek Het Dit Onder Beheer

Wellus sê: "Ek wil dit hê."

Eiegeregtigheid sê: "Ek verdien dit."

Trots sê: "Ek kan dit hanteer."

Onthou jy toe Simson vir sy ouers gesê het hy wil met die Filistynse vrou trou? Wel, wat het elke man nodig voor hy kan trou? Dit is reg — 'n rampartytjie! In Simson se geval het dit 'n groot geleentheid beteken. Soos jy in vandag se leesstuk sal sien, wou Simson saam met sy maats dronk word.

Voordat ons lees, is hier iets waaraan ek jou wil herinner: Simson se eerste reël:

1. Moenie alkohol drink nie.

Simson was glad nie veronderstel om alkohol te gebruik nie. Simson het egter gedink, omdat hy so sterk was, kon hy dit hanteer. Jy het dit seker al voorheen gehoor. ’n Ou glo hy is regtig taai (en dalk is hy), dus oortuig hy homself dat hy nie aan dieselfde gevolge as ander ouens sal ly nie. Miskien was jy selfs daardie ou. Om te dink jy kan dit hanteer, hoef nie net oor misbruik te gaan nie:

Net een drankie/een trek aan 'n daggazol/een snuif van 'n dwelmmiddel gaan my nie doodmaak nie. Ek kan dit hanteer.

Man, ek is mal oor hierdie motor/huis/boot. Ek kan die betalings bybring.

Ek weet ek is nie "veronderstel" om na hierdie webwerf/rolprent/video te kyk nie, maar ek het my slimfoon by my. Dit is net hierdie een keer.

Omdat Simson die sterkste man was wat nog ooit gelewe het, het hy werklik geglo dat hy alles kon hanteer. Weet jy egter waar Simson beland het? As jy nog nooit sy verhaal gehoor het nie, sal ek nie die einde vir jou bederf nie. Laat ek net dit sê: hy kon dit nie hanteer nie. Wat laat jou dus dink jy kan?