Vertrou, Werk Hard, En Rus

Dag 1 van 4 • Vandag se leesstuk

Bybeldagboek

Vertrou, Werk Hard, en Rus


"Werk Hard" is deesdae seker een van die gewildste terme in besighede. Shark Tank beleggers druk entrepreneurs harder om meer verkope te kry. Dit lyk of almal werk aan hulle sylyne asook hulle 9-tot-5 werk. Maar wat sê die Bybel oor harde werk? Aan die een kant vier die Bybel duidelik ons harde werk. Kolossense 3:23 sê: "Wat julle ook al doen, doen dit van harte." Terwyl gelowiges in die kultuur se viering van harde werk kan deel, moet ons ook worstel met die Bybelse waarheid dat dit God is, nie ons of ons harde werk, wat ons resultate produseer nie (Deuteronomium 8:17-18). As gelowiges moet ons die verhouding tussen harde werk en geloof in God balanseer om ware rus te vind.


Joshua 6 gee vir ons 'n wonderlike gevallestudie van hoe dit lyk. Terwyl die Israeliete na die belofte land gelei word deur Josua, kom hulle tot 'n dooie punt by die skynbaar ondeurdringbare stad van Jerigo. Soos dit sê in Joshua 6:2: "Die Here het vir Josua gesê: 'Ek gaan Jerigo, sy koning en sy soldate nou in jou mag oorgee,'" maar in plaas daarvan om Josua en die soldate bo-menslike krag en behendigheid te gee om self Jerigo te oorwin, verwag God dat hulle al hulle vertroue in Hom plaas. God het Josua 'n opdrag gegee om die Israeliete te lei in 'n sewe-dag optog rondom Jerigo wat afgesluit was met 'n oorverdowende geskree by die stadsmure. 


Soos soveel ander kere in die verlede het God gekies om dit "wat vir die wêreld swak is, uit te kies om die sterkes te beskaam." Eerder as om Josua en die Israeliete toe te laat om die stryd in hulle eie krag te wen, het God 'n plan opgestel om te verseker dat Hy alleen die eer sou kry. Voordat die Israeliete die oorwinning gegee is, het God hulle gevra om op Hom te vertrou vir die voorsiening. Sonder huiwering het Josua dit gedoen. Die Israeliete het vertroue in God se plan gehad. Toe begin hulle werk: marsjeer, blaas hulle trompette en skree totdat die mure van Jerigo inmekaargesak het. 


Natuurlik was dit nie die optogte, geskree en harde werk van die Israeliete wat die mure van Jerigo laat val het nie. Dit was God. En dit is presies wat ek dink wat God wou hê dat die Israeliete en ons moet sien. Ons harde werk is 'n goeie ding! Maar om te glo dat ons gewoel die resultate van ons werk veroorsaak, sou wees soos die Israeliete wat glo dat hulle geskree die ondeurdringbare vesting laat omval het.


Soos Josua en die Israeliete ons wys, moet ons nie probeer om die balans tussen vertroue en harde werk te kry nie; in plaas daarvan, moet ons dit in God se hande plaas. Hierdie idees is nie in konflik met mekaar nie, maar is bedoel om saam te gaan. Maar soos Salomo in Spreuke 16 skryf, is daar 'n opeenvolging van vertroue en gejaag wat die Here eer en vir ons ware rus bring. Dit is daardie gedeelte waarna ons oor die volgende drie dae gaan kyk.