Kry die toepLentesade: 'n Vrou se 40-dag ReisVoorbeeld
Plant en Versorg Jou Tuin
DIE SAAD VAN WAARHEID
Lees Efesiërs 4:4-8.
Luister aandagtig. Waarvoor is jy geroep? Waarvan is jy deel? Lees weer vers 4. God se hartsbegeerte is dat Christene in eenheid met mekaar moet leef, terwyl ons onthou dat ons almal deel is van een liggaam. Ons moet alles in ons vermoë doen om die eenheid van die liggaam te bewaar en onsself gedurig te herinner dat ons nie 'n weermag van een lid is nie. Ons is deel van die liggaam van Christus. "Daar is net één liggaam en net één Gees, soos daar net één hoop is waartoe God julle geroep het. Daar is net één Here, één geloof, één doop, één God en Vader van almal: Hy wat oor almal is, deur almal werk en in almal woon" (Efesiërs 4:4-6).
PLANT DIE SAAD
Sê vandag se kernvers saggies op vir jouself. Bewaar dit in jou hart en bepeins dit deur die dag. Efesiërs 4:7: "Aan elkeen van ons is 'n genadegawe gegee volgens die mate waarin Christus die gawes uitgedeel het."
GEE DIE SAAD WATER
God het vir ons elkeen die genade gegee om ons deel te doen. Is jy aktief besig om jou rol in die liggaam te vervul? Gee jy jou tyd, talent en skatte? Is jy deel van 'n groep gelowiges? Ons behoort nie soos Jack Bauer te wees wat alles op ons eie doen nie, maar eerder dit doen waarvoor Hy ons geroep het in sy Naam en in gemeenskap met ander te doen. Volgens 2 Korintiërs 12:9 het Hy geantwoord: "... My genade is vir jou genoeg. My krag kom juis tot volle werking wanneer jy swak is ..." God se genade vir Paulus het hom mag gegee oor sy swakheid. Dieselfde genade is aan jou gegee — volgens die maatstaf van Christus se genadegawes! "En God is by magte om aan julle alles in oorvloed te skenk, sodat julle in alle opsigte altyd van alles genoeg kan hê en volop kan bydra vir elke goeie werk" (2 Korintiërs 9:8). God se genade gee alles wat ons nodig het sodat ons werklik kan sê God is voldoende! Hy is my Alles in Alles! Is dit hoe jy jouself of jou omstandighede sien? Glo jy hierdie waarheid?
DRA VRUG
Genade is genoeg vir dié wat in Christus is.
SLUIT AF MET GEBED
Vra die Here om dit te laat groei wat vandag in jou hart geplant is.
Skrif
Aangaande hierdie leesplan
Die Bybel maak dikwels van seisoene gebruik om te illustreer hoe God in ons werk. In hierdie 40-dag leesplan vir vroue, van Thistlebend Ministries, word 'n tuin gebruik om groei in Christus uit te beeld. Jy sal elke dag "Saad van Waarheid" (Skrifgedeelte) ontvang asook riglyne oor hoe om die "Saad te Plant" (ter harte te neem) en "Gee Die Saad Water" (toepassing daarvan). Raak opgewonde! Die Here wil 'n pragtige tuin van sy karakter in jou hart kom plant –wat oorloop van sy volheid. Dit is ideaal vir besige moeders, enkelvroue en studente.
More
