Lentesade: 'n Vrou se 40-dag ReisVoorbeeld

Plant en Versorg Jou Tuin

DIE SAAD VAN WAARHEID

Lees Efesiërs 4:17-24.

Luister aandagtig na Paulus. Ons Christelike wandel is 'n doelbewuste, daaglikse, gefokusde poging waar ons kies om in die lig te wandel. Wat leer jy van die sinnelose, hopelose pad van die ongelowige?

PLANT DIE SAAD

Sê vandag se kernvers saggies op vir jouself. Bewaar dit in jou hart en bepeins dit deur die dag. Efesiërs 4:23-24: "Julle gees en gedagtes moet nuut word; lewe as nuwe mense wat as die beeld van God geskep is: lewe volkome volgens die wil van God en wees heilig."

GEE DIE SAAD WATER

Waar sien jy onverskilligheid in jou hart? Het jou hart koud geword? Jy mag dalk nog gevoelens vir die Here en oortuigings vir sy waarheid hê, maar jy mag dalk agterkom dat jou begeerte afgeneem het om in sy Woord te vertoef. Jou deernis vir ander is minder en jou fokus het van Christus na jouself verskuif. Draai jou oë na Christus. Bely die hardheid van jou hart. Vra dat Hy jou help. Vra Hom om jou in sy liefde te laat herleef en om in deernis, genade aan jou te betoon. Wat is dit wat in jou denkproses moet verander? Waar kan jy jou eie nuttelose denke sien? Wees vandag bewus van jou denke (Romeine 12:2). As jy agterkom dat jy 'n nuttelose gedagte dink, stop, skryf dit neer, en sit 'n waarheid in sy plek. As jy iets krities van iemand dink, stop en vervang dit met 'n liefdevolle gedagte. As jy jou begin bekommer, stop en beklee jou met die nuwe self. Beklee jou met die waarheid en soek 'n Bybelvers wat daardie bekommernis onmiddellik verslaan. Onthou net dat dit wat ons dink 'n diepgaande uitwerking het op hoe ons reageer. Die eerste stryd om te stry en te wen met Christus se hulp, is in ons gedagtes. Beveg dit met afhanklikheid van sy genade en die Heilige Gees.

DRA DIE VRUG

Vernuwe in die gees.

SLUIT AF MET GEBED

Vra die Here om dit te laat groei wat vandag in jou hart geplant is.