Lentesade: 'n Vrou se 40-dag ReisVoorbeeld

Plant en Versorg Jou Tuin

DIE SAAD VAN WAARHEID

Lees Efesiërs 4:25-28.

Lees hierdie gedeelte aandagtig en besluit dan watter opdrag vandag aan jou gerig is en neem dan die besluit om in daardie waarheid te wandel. Vra Christus vir sy hulp om daardie waarheid ter harte te neem. Terwyl jy dit doen, bely aan Hom enigiets wat nodig is. Wat het jy gesê, gedink of gedoen wat verkeerd was?

PLANT DIE SAAD

Sê vandag se kernvers saggies op vir jouself. Bewaar dit in jou hart en bepeins dit deur die dag. Efesiërs 4:25: "Noudat julle die valsheid afgelê het, moet julle onder mekaar die waarheid praat, want ons is lede van dieselfde liggaam."

GEE DIE SAAD WATER

Om deur groot beproewinge te gaan, kan sy tol eis. Moeilike omstandighede kan jou meer kwesbaar vir sonde maak. Petrus sê: "Wees nugter, wees wakker! Julle vyand, die duiwel, loop rond soos 'n brullende leeu, op soek na iemand om te verslind" (1 Petrus 5:8). Moenie op jou eie probeer loop nie. Soek ywerig na 'n ander gelowige om jou reis mee te deel. Maak tyd om in gemeenskap te verkeer. Die skaap wat van die trop afdwaal, word in 'n bos vasgevang en word die prooi van wolwe of raak verlore. Dink 'n paar oomblikke na oor die waarheid dat ons as Christene almal lede is van een liggaam, Jesus Christus. Dit herinner ons aan Psalm 51. Dawid sê toe hy gesondig het, het hy teen God en God alleen gesondig! Hierdie vers help ons om te verstaan hoekom! Ons is almal lede van mekaar — almal lede van Christus se liggaam! As ons vir mekaar jok, jok ons vir Jesus. Wanneer ons onvriendelik teenoor mekaar is, is ons onvriendelik teenoor Jesus. Here, help ons om vandag al die gevolge van hierdie waarheid in te sien wanneer ons hierdie Skrifgedeelte oordink. Maak u waarheid bekend!

DRA VRUG

Lede van mekaar en van Christus se liggaam.

SLUIT AF MET GEBED

Vra die Here om dit te laat groei wat vandag in jou hart geplant is.