Kry die toepLentesade: 'n Vrou se 40-dag ReisVoorbeeld
Plant en Versorg Jou Tuin
DIE SAAD VAN WAARHEID
Lees Efesiërs 4:15-16.
Hoe sê Paulus moet ons groei en hoekom?
PLANT DIE SAAD
Sê vandag se kernvers saggies op vir jouself. Bewaar dit in jou hart en bepeins dit deur die dag. Efesiërs 4:15: "Nee, ons sal in liefde by die waarheid bly en so in alle opsigte groei na Christus toe. Hy is immers die hoof."
GEE DIE SAAD WATER
Soos ons die Woord van God toepas, sal ons tot volwassenheid groei. Ons sal nie langer soos branders heen en weer geslinger word of deur stormwinde rondgegooi word nie. Ons voetstappe sal al hoe fermer word, ongeag die weer. Ons sal ons voete vind deur daagliks sy waarheid te beoefen. Wanneer ons die saad plant en water gee, sal God dit laat groei en ons sal die vrug van geregtigheid dra. Beoefen dit vandag. Maak dit 'n gewoonte om met elke persoon wat die Here oor jou pad bring, in liefde te praat. Daar sal 'n tyd kom wanneer jy getoets gaan word. Sal jy gereed wees en nie daarvan wegskram om die waarheid te praat nie? Ons moet mekaar help groei. Dit moet egter in liefde gedoen word! Jy moet jou naaste liefhê soos jouself. Bid dat die Here vir jou 'n spesiale geleentheid sal gee om Christus vir jou man, jou kinders, of die klerk by die supermark te wees. (Mattheus 22:39, Efesiërs 5:1-2).
DRA VRUG
Praat in liefde die waarheid.
SLUIT AF MET GEBED
Vra die Here om dit te laat groei wat vandag in jou hart geplant is.
Skrif
Aangaande hierdie leesplan
Die Bybel maak dikwels van seisoene gebruik om te illustreer hoe God in ons werk. In hierdie 40-dag leesplan vir vroue, van Thistlebend Ministries, word 'n tuin gebruik om groei in Christus uit te beeld. Jy sal elke dag "Saad van Waarheid" (Skrifgedeelte) ontvang asook riglyne oor hoe om die "Saad te Plant" (ter harte te neem) en "Gee Die Saad Water" (toepassing daarvan). Raak opgewonde! Die Here wil 'n pragtige tuin van sy karakter in jou hart kom plant –wat oorloop van sy volheid. Dit is ideaal vir besige moeders, enkelvroue en studente.
More
