Kry die toepLentesade: 'n Vrou se 40-dag ReisVoorbeeld
Plant en Versorg Jou Tuin
DIE SAAD VAN WAARHEID
Lees Efesiërs 4:9-14.
Paulus wys duidelik daarop dat ons as heiliges toegerus moet wees om bedieningswerk te doen en ook om die liggaam van Christus op te bou.
PLANT DIE SAAD
Sê vandag se kernvers saggies op vir jouself. Bewaar dit in jou hart en bepeins dit deur die dag. Efesiërs 4:13: "So sal ons uiteindelik almal kom tot die werklike eenheid in ons geloof en in ons kennis van die Seun van God. Dan sal ons, sy kerk, soos ‘n volgroeide mens wees, so volmaak en volwasse soos Christus."
GEE DIE SAAD WATER
Doen jy alles in jou vermoë om jouself toe te rus om die Here se bedieningswerk te doen waarvoor Hy jou geroep het? As ‘n vrou? As ‘n moeder? As ‘n onderwyser? As ‘n mededienaar? Waar is daar 'n behoefte in jou kerk? Die kleuterskool? Die verwelkomingskomitee? Die koskas? Dien jy aktief waar daar 'n behoefte is? Waarop fokus jy? Moet jy enige veranderinge aanbring? Al wat ek kan hoor is Christus se woorde in die bergrede: "Nee, beywer julle allereers vir die koninkryk van God en vir die wil van God, dan sal Hy julle ook al hierdie dinge gee" (Matteus 6:33). Sal jy vir God vra om dit jou fokus, jou passie, jou begeerte te maak? Sal jy daardie passie werklik en aktief maak deur daarop te reageer? Is daar enigiets wat jy moet ophou soek sodat jy eers sy koninkryk kan soek?
DRA VRUG
Kom tot eenheid in geloof.
SLUIT AF MET GEBED
Vra die Here om alles te laat groei wat vandag in jou hart geplant is.
Skrif
Aangaande hierdie leesplan
Die Bybel maak dikwels van seisoene gebruik om te illustreer hoe God in ons werk. In hierdie 40-dag leesplan vir vroue, van Thistlebend Ministries, word 'n tuin gebruik om groei in Christus uit te beeld. Jy sal elke dag "Saad van Waarheid" (Skrifgedeelte) ontvang asook riglyne oor hoe om die "Saad te Plant" (ter harte te neem) en "Gee Die Saad Water" (toepassing daarvan). Raak opgewonde! Die Here wil 'n pragtige tuin van sy karakter in jou hart kom plant –wat oorloop van sy volheid. Dit is ideaal vir besige moeders, enkelvroue en studente.
More
