Kry die toepLentesade: 'n Vrou se 40-dag ReisVoorbeeld
Plant en Versorg Jou Tuin
DIE SAAD VAN WAARHEID
Lees Efesiërs 4:29-32. Terwyl jy daarna streef om die Here se opdragte in sy Woord met jou hele hart, jou hele siel, jou hele verstand en al jou krag na te kom, vra die Here om jou te help om Paulus se opdrag in hierdie gedeelte uit te voer. Wat sê hy moet ons nie doen nie? Wat sê hy moet ons doen?
PLANT DIE SAAD
Sê vandag se kernvers saggies op vir jouself. Bewaar dit in jou hart en bepeins dit deur die dag. Efesiërs 4:29: "Vuil taal moet nooit uit jule mond kom nie; praat net wat goed en opbouend is volgens die eis van omstandighede, sodat dit julle hoorders ten goede kan kom."
GEE DIE SAAD WATER
Ons moenie toelaat dat "slegte" of waardelose dinge uit ons monde kom nie, maar net dit wat nuttig, goed en nodig is, sodat wat jy ook al sê 'n seën vir ander is. Vra jouself af voor jy praat: Is dit opbouend? Sal dit God verheerlik? Sal dit iemand bemoedig op sy pad met die Here? As jy wil weet wat in jou hart is, luister na wat uit jou mond kom (sien Matteus 12:33-37). 'n Paar dae gelede het ek gevra dat jy aan jou gedagtes sal aandag te gee. Vandag wil ek hê jy moet noukeurig aan jou woorde aandag gee. Is hulle opbouend? Is hulle afbrekend? Gee hulle lig aan 'n vertrek? Bring hulle donker wolke? Wees eerlik. Vra die Here om jou vandag te help om 'n godvresende eienskap of gedragspatroon in een van jou gesinslede te identifiseer en soek dan 'n Skrifgedeelte wat hulle gedrag op daardie gebied bevestig. Skryf 'n notatjie met daardie Skrifgedeelte om hulle aan te moedig — op 'n plakpapiertjie waar hulle dit kan sien of in 'n epos. Hou aan om maniere te kry om so genade aan hulle te bewys wat gehoorsaam is.
DRA VRUG
Betoon genade.
SLUIT AF MET GEBED
Vra die Here om dit te laat groei wat vandag in jou hart geplant is.
Skrif
Aangaande hierdie leesplan
Die Bybel maak dikwels van seisoene gebruik om te illustreer hoe God in ons werk. In hierdie 40-dag leesplan vir vroue, van Thistlebend Ministries, word 'n tuin gebruik om groei in Christus uit te beeld. Jy sal elke dag "Saad van Waarheid" (Skrifgedeelte) ontvang asook riglyne oor hoe om die "Saad te Plant" (ter harte te neem) en "Gee Die Saad Water" (toepassing daarvan). Raak opgewonde! Die Here wil 'n pragtige tuin van sy karakter in jou hart kom plant –wat oorloop van sy volheid. Dit is ideaal vir besige moeders, enkelvroue en studente.
More
