Kry die toepLentesade: 'n Vrou se 40-dag ReisVoorbeeld
Plant en Versorg Jou Tuin
DIE SAAD VAN WAARHEID
Lees Efesiërs 4:1-3.
Lees weer stadig en biddend vers 1 en 2 deur. Wat sê God vir jou oor jou rol as vrou, moeder, suster en vriendin? Watter denkpatroon, hartsgesindheid of gedrag moet jy verander? Wanneer moet jy sagmoediger wees? Met wie moet jy meer geduld hê? Wat moet jy doen om ander in liefde te verdra, nie bloot net te verdra nie? Onthou, geliefde gelowige, doen dit alles tot verheerliking van God en ter wille van sy kosbare evangelie. Wanneer ons kwaad word, 'n kritiese gees het en ons eie gevolgtrekkings maak, breek ons ons eenheid met die liggaam van Christus. Die Here vra dat ons in alle ywer oor ons harte sal waak. Paulus sê ons moet gretig wees, op die uitkyk wees, alle pogings aanwend en vinnig wees om enige gebrokenheid te herstel of vrede te maak. Wees vandag bereid en "Lê julle daarop toe om die eenheid wat die Gees tussen julle gesmee het, te handhaaf deur in vrede met mekaar te lewe" (Efesiërs 4:3).
PLANT DIE SAAD
Sê vandag se kernvers saggies op vir jouself. Bewaar dit in jou hart en bepeins dit deur die dag. Efesiërs 4:1-2: "Ek druk julle dit op die hart, ek wat ‘n gevangene is omdat ek die Here dien: Laat julle lewenswandel in ooreenstemming wees met die roeping wat julle van God ontvang het. Wees altyd beskeie, vriendelik en geduldig, en verdra mekaar in liefde.”
GEE DIE SAAD WATER
Vandag se Bybelvers om te onthou, het geen verduideliking nodig nie. Dit is 'n oproep tot heiligheid van binne en buite, 'n heiligheid wat daaruit spruit deur die Here éérste en dan ánder voor jouself te stel. Ek dring by jou aan om Paulus se uitdaging te aanvaar en hierdie vers jou doel te maak, nie net vir vandag nie, maar ook gedurende die res van hierdie leesplan, of nóg beter, vir jou lewe! Vra nou die Here vir sy hulp om hierdie Skrif vir jou waar te maak.
DRA VRUG
Wandel op so 'n wyse dat dit jou roeping waardig is.
SLUIT AF MET GEBED
Vra die Here om dit te laat groei wat vandag in jou hart geplant is.
Skrif
Aangaande hierdie leesplan
Die Bybel maak dikwels van seisoene gebruik om te illustreer hoe God in ons werk. In hierdie 40-dag leesplan vir vroue, van Thistlebend Ministries, word 'n tuin gebruik om groei in Christus uit te beeld. Jy sal elke dag "Saad van Waarheid" (Skrifgedeelte) ontvang asook riglyne oor hoe om die "Saad te Plant" (ter harte te neem) en "Gee Die Saad Water" (toepassing daarvan). Raak opgewonde! Die Here wil 'n pragtige tuin van sy karakter in jou hart kom plant –wat oorloop van sy volheid. Dit is ideaal vir besige moeders, enkelvroue en studente.
More
