Lentesade: 'n Vrou se 40 Dae Reis Voorbeeld

Plant en Versorg Jou Tuin DIE SAAD VAN WAARHEID Lees Efesiërs 2:11-16 Kyk weer na vers 12. Watter woorde gebruik Paulus om ons posisie voor Christus te beskryf? Wat sê Paulus in vers 13 wat dit als verander het? PLANT DIE SAAD Sê vandag se kernvers saggies vir jouself op. Bewaar dit in jou hart en bepeins dit deur die dag. Efesiërs 2:13 "Maar nou is julle een met Christus Jesus. Julle wat eens ver van God af gelewe het, het nou naby gekom deur die bloed van Christus." GEE DIE SAAD WATER In 1 Petrus 2:10 word aan ons gesê: "Julle was vroeër geen volk nie, maar nou is julle die volk van God. Julle het toé geen barmhartigheid ontvang nie, maar nou het God aan julle barmhartigheid bewys." So dikwels voel ons dat ons nie so na aan God kan wees soos wat ons wil wees nie. Daar blyk 'n muur of gaping te wees. As jy oor vandag se vers nadink, fokus op die waarheid dat die Here jou naby gebring het, die gordyn is in twee geskeur en jy is in staat om Sy troonkamer enige tyd binne te gaan. Vul jou dag deur die vers herhaaldelik op te sê en kies om te glo wat dit sê pleks van hoe jy voel. DRA DIE VRUG Nader gebring deur die bloed van Christus. SLUIT AF MET GEBED Vra die Here om dit wat vandag in jou hart geplant is, te laat groei.