Lentesade: 'n Vrou se 40 Dae Reis Voorbeeld

Plant en Versorg Jou Tuin DIE SAAD VAN WAARHEID Lees Efesiërs 2:8-10. Die hoofstuk en skrifgedeelte vertel ons dat ons verlossing 'n geskenk vanaf God is. Het jy die geskenk met volkome dankbaarheid ontvang? Soms mag jy dalk onwaardig daaroor voel of dit as vanselfsprekend aanvaar. Lees vers 8 stadig, woord vir woord. Hoe het jy gemaak om die verlossingsgeskenk te bekom? Dit is deur genade - onverdiende guns. Jy het guns ontvang as gevolg van God se groot liefde en ryk genade. Dit is met 'n doel gegee, een wat God beplan het. PLANT DIE SAAD Herhaal vandag se kernverse saggies aan jouself. Sluit dit in jou hart op en bedink dit deur die dag. Efesiërs 2:10 "Want God het ons gemaak wat ons nou is: in Christus Jesus het Hy ons geskep om ons lewe te wy aan die goeie dade waarvoor Hy ons bestem het." GEE DIE SAAD WATER Dink na wat dit beteken om die produk van Sy handewerk te wees. Alles - jou lewe, omstandighede, persoonlikheid, talente, jou sterk en swak punte - het bygedra tot wie jy is en wat jy gekies is om te wees in Christus. Neem 'n tydjie vandag om God te dank vir Sy handewerk in jou. Vra Hom om jou te laat sien hoe Hy jou toegerus het om die liggaam van Christus te seën. Luister en neem dit in. Vra Hom vir wysheid en verstand. Volg Hom waar Hy jou lei in die paaie van geregtigheid en wees geduldig soos Hy jou lei. Wees vol moed! DRA DIE VRUG Geskep vir goeie werke. SLUIT AF MET GEBED Vra God om dit wat vandag in jou hart geplant is, te laat groei.