1
Олӧм 1:26-27
Коми Библия 2023
КБ
Ен шуис: «Вӧчамӧй мортӧс Миян кодьӧн да Миян ногаӧн. Сійӧ мед ыджыдалас саридзса черияс да енэжвыв лэбачьяс вылын, мувыв пемӧсъяс вылын, мувыв гаг-веглясьысьяс вылын да став муыс вылын». Ен вӧчис мортӧс Ас кодьнас. Аймортӧс да аньӧс Ен кодьӧн вӧчис.
Vergelyk
Verken Олӧм 1:26-27
2
Олӧм 1:28
Ен бурсиис найӧс шуалӧмӧн: «Чужтысьӧй-рӧдмӧй, овмӧдӧй мусӧ да видзӧй сійӧс, ыджыдалӧй саридзса черияс да енэжвыв лэбачьяс вылын, [мувыв пемӧсъяс вылын, став муыс да] му вылас став котралысь-веглясьысь вылын».
Verken Олӧм 1:28
3
Олӧм 1:1
Медводз Ен вӧчис енэж да му.
Verken Олӧм 1:1
4
Олӧм 1:2
Муыс вӧлі мыгӧртӧм да куш, пыдӧстӧм йир весьтын вӧлі пемыд, и Енлӧн Лов шлывъяліс ва весьтын.
Verken Олӧм 1:2
5
Олӧм 1:3
Ен шуис: «Мед лоас югыд». И лои югыд.
Verken Олӧм 1:3
6
Олӧм 1:31
Ен видзӧдліс Аслас вӧчӧмторъяс вылӧ и аддзис, мый ставыс вывті бур. Вӧлі рыт, вӧлі асыв – квайтӧд лун.
Verken Олӧм 1:31
7
Олӧм 1:4
Ен аддзис, мый югыдыс бур, да торйӧдіс сійӧс пемыдысь.
Verken Олӧм 1:4
8
Олӧм 1:29
Ен шуис: «Ме сета тіянлы став кӧйдыса-вотӧса быдмӧгсӧ да пусӧ. Тайӧ лоӧ тіянлы сёянӧн.
Verken Олӧм 1:29
9
Олӧм 1:5
Ен нимтіс югыдсӧ лунӧн, а пемыдсӧ – войӧн. Вӧлі рыт, вӧлі асыв – медводдза лун.
Verken Олӧм 1:5
10
Олӧм 1:6
Ен шуис: «Мед лоас енэжвевт да торйӧдас васӧ». [И лои тадз.]
Verken Олӧм 1:6
11
Олӧм 1:30
А став мувывса пемӧслы да енэжвыв лэбачлы, котралысь-веглясьысьлы сёянӧн лоӧ веж турун». И лои тадз.
Verken Олӧм 1:30
12
Олӧм 1:14
Ен шуис: «Енэжвевтын мед лоасны югдӧданторъяс. Найӧ мед [югдӧдасны мусӧ,] торйӧдасны лунсӧ войысь, петкӧдласны лунъяс, вояс да кадъяс
Verken Олӧм 1:14
13
Олӧм 1:11
Ен шуис: «Муыс мед быдтас быдсяма пусӧ да веж быдмӧгсӧ, кодъяс пондасны вайны ассьыныс кӧйдыс-вотӧс». И лои тадз.
Verken Олӧм 1:11
14
Олӧм 1:7
Ен вӧчис енэжвевт да торйӧдіс улыс васӧ вылыс ваысь. И лои тадз.
Verken Олӧм 1:7
15
Олӧм 1:12
Муыс быдтіс быдсяма пусӧ да веж быдмӧгсӧ, и найӧ пондісны вайны ассьыныс кӧйдыс-вотӧс. Ен аддзис, мый тайӧ бур.
Verken Олӧм 1:12
16
Олӧм 1:16
Ен вӧчис кодзувъяс да кык гырысь югдӧдантор – ыджыдджыксӧ, медым веськӧдлыны лунӧн, ичӧтджыксӧ, медым веськӧдлыны войӧн.
Verken Олӧм 1:16
17
Олӧм 1:9-10
Ен шуис: «Енэжувса ваыс мед чукӧрмас ӧтилаӧ, да тыдовтчас косін». И лои тадз. [Енэжувса ваыс чукӧрмис аслас местаӧ, и тыдовтчис косін.] Ен нимтіс косінсӧ муӧн, а чукӧрмӧм васӧ – саридзӧн. Ен аддзис, мый тайӧ бур.
Verken Олӧм 1:9-10
18
Олӧм 1:22
Ен бурсиис найӧс шуалӧмӧн: «Чужтысьӧй-рӧдмӧй да олӧй саридзын, а лэбачьяс мед рӧдмасны му вылын».
Verken Олӧм 1:22
19
Олӧм 1:24
Ен шуис: «Муыс мед чужтас быдсикас ловъя олысьӧс: мувыв пемӧсъясӧс да гаг-веглясьысьясӧс». И лои тадз.
Verken Олӧм 1:24
20
Олӧм 1:20
Ен шуис: «Ваыс мед тырас ловъя олысьясӧн. Лэбачьяс мед лэбаласны му весьтӧд, енэжвевттіыс». [И лои тадз.]
Verken Олӧм 1:20
21
Олӧм 1:25
Ен вӧчис быдсяма мувыв пемӧссӧ да гаг-веглясьысьсӧ. Ен аддзис, мый тайӧ бур.
Verken Олӧм 1:25
Tuisblad
Bybel
Leesplanne
Video's