Gewilde Bybelverse vanaf Мф 7

Deel

Сӧрвалыза – тыланда пуалтеш, кычалза – муыда, пералтыза – тыланда почылтеш

вет сӧрвалыше налеш, кычалше муэш, пералтышылан почылтеш.

Кӧ Мыйын нине шомакем колыштеш да ойлымем семын ышта, тудо пӧртшым кӱ ӱмбалан чоҥышо ушан еҥ гай лиеш.

Еҥ-влакым шкаланда мом ыштыктынеда, шкежат нунылан тидымак ыштыза. Закон ден пророк-влакын туныктымышт тыгае.

Илышыш наҥгайыше капка шыгыр, корно аҥысыр, шагалынже тудым кычал муыт.

Шыгыр капкаш пурыза, вет колымашке наҥгайыше капка лопка, корно кумда, шукын тиде корно дене каят.

Тыгеже, те осал улмо ӱмбачат шочшыланда сай пӧлекым пуэн моштеда гын, Пылпомышсо Ачада йодшылан порым ок пу мо?

Ида судитле, тунам теат огыда судитлалт. Кузе весым судитледа, теат тугак судитлыме лийыда; могай виса дене те виседа, тугай денак тыландат висалтеш.

А кӧ Мыйын нине шомакем колыштеш да ойлымем семын ок ыште, пӧртшым ошма ӱмбалан чоҥышо шонен моштыдымо еҥ гай лиеш.

Молан тый лишылетын шинчаштыже шӱкым ужат, а шкендыныште пырням от шиж? Але шкендын шинчаштет пырня улмо ӱмбач кузе лишылетлан ”ане, мый тыйын шинчат гыч шӱкым луктам” манын каласет?

Шояк пророк-влак деч шекланыза. Нуно тендан деке шорык коваштым чиен толыт, а кӧргыштышт опкын пире улыт. Нуным те саскашт дене паледа. Иман вондо гыч виноградым, лопшудо гыч смоква саскам погат мо?

Сай пушеҥге сай саскам пуа, а уда пушеҥгын саскажат йӧрдымӧ.

Сай пушеҥге йӧрдымӧ саскам шочыктен ок керт, а уда пушеҥге сай саскам шочыктен ок керт.

Сай саскам пуыдымо чыла пушеҥгым руат да тулыш шуат.